1. وبلىستاردىڭ، الماتى، نۇر-سۇلتان، شىمكەنت قالالارىنىڭ اكىمدەرى، دەنساۋلىق ساقتاۋ باسقارمالارىنىڭ باسشىلارى:
1) قازاقستان رەسپۋبليكاسىنىڭ ۇكىمەتتىك دەلەگاسيالارىن، قازاقستان رەسپۋبليكاسى سىرتقى ىستەر مينيسترلىگىنىڭ شاقىرۋى بويىنشا قازاقستان رەسپۋبليكاسىنا كەلەتىن شەت مەملەكەتتەردىڭ جانە حالىقارالىق ۇيىمداردىڭ رەسمي دەلەگاسيالارىنىڭ مۇشەلەرىن؛ قازاقستان رەسپۋبليكاسىندا اككرەديتتەلگەن ديپلوماتيالىق وكىلدىكتەردىڭ، كونسۋلدىق مەكەمەلەردىڭ جانە حالىقارالىق ۇيىمدار وكىلدىكتەرىنىڭ قىزمەتكەرلەرىن جانە ولاردىڭ وتباسى مۇشەلەرىن؛ اۆياكومپانيالار ۇشقىشتارىن جانە لوكوموتيۆ بريگادالارىنىڭ مۇشەلەرىن قوسپاعاندا، قازاقستان رەسپۋبليكاسىنا شەتەلدەن كەلگەن بارلىق ادامداردى، سونداي-اق ەاەو ەلدەرىنەن جانە وزبەكستان رەسپۋبليكاسىنان قازاقستان رەسپۋبليكاسىنىڭ مەملەكەتتىك شەكاراسى ارقىلى تەمىرجول كولىگىندە جانە اۆتووتپە جولدارىندا وتكىزۋ پۋنكتتەرى ارقىلى كەلگەن ادامداردى COVID-19-عا زەرتحانالىق تەكسەرۋ جۇرگىزۋ ءۇشىن كارانتيندىك ستاسيوناردا 2 تاۋلىككە دەيىن وقشاۋلاۋدى قامتاماسىز ەتسىن.
COVID-19 اۋرۋىن جوققا شىعارمايتىن بەلگىلەرى بار ادامدار كارانتيندىك ستاسيونارعا ەمەس، پروۆيزورلىق ستاسيونارعا ەمدەۋگە جاتقىزىلادى.
COVID-19-عا زەرتحانالىق تەكسەرۋ ناتيجەلەرىن العاننان كەيىن وڭ ناتيجەلى ادامدار ەمدەۋ ءۇشىن ينفەكسيالىق ستاسيونارعا اۋىستىرىلادى، COVID-19-عا تەرىس ناتيجەلى ادامدار 12 تاۋلىك بويى ۇيدە (ءۇي كارانتينى) وقشاۋلانادى. ۇيدە وقشاۋلاۋ ءۇشىن جاعداي بولماعان كەزدە وسى قاۋلىعا 1 جانە 2-قوسىمشالارعا سايكەس كارانتيندىك ستاسوناردا وقشاۋلاۋ ۇسىنىلادى؛
2) قازاقستان رەسپۋبليكاسىنا شەتەلدەن كەلگەن قازاقستان رەسپۋبليكاسىندا اككرەديتتەلگەن ديپلوماتيالىق وكىلدىكتەردىڭ، كونسۋلدىق مەكەمەلەردىڭ جانە حالىقارالىق ۇيىمدار وكىلدىكتەرىنىڭ قىزمەتكەرلەرى جانە ولاردىڭ وتباسى مۇشەلەرى COVID-19-عا زەرتحانالىق تەكسەرۋگە جانە 14 تاۋلىك بويى ۇيدە ءوزىن-وزى وقشاۋلاۋعا (ءۇي كارانتينى) جاتادى.
اۆياكومپانيالاردىڭ ۇشقىشتارى، لوكوموتيۆ بريگادالارىنىڭ مۇشەلەرى قوڭىراۋ شالۋ ارقىلى (مۇمكىندىگىنشە بەينەقوڭىراۋ شالۋ) تۇرعىلىقتى (كەلگەن) جەرى بويىنشا مەديسينالىق باقىلاۋعا جاتادى.
ەاەو ەلدەرىنەن جانە وزبەكستان رەسپۋبليكاسىنان قازاقستان رەسپۋبليكاسىنىڭ مەملەكەتتىك شەكاراسى ارقىلى تەمىرجول كولىگىندە جانە اۆتووتپە جولدارىندا وتكىزۋ پۋنكتتەرى ارقىلى كەلگەن ادامدار COVID-19-عا زەرتحانالىق تەكسەرۋگە جانە 12 تاۋلىك بويى ۇيدە ءوزىن-وزى وقشاۋلاۋعا (ءۇي كارانتينى) جاتادى؛
تەمىرجول، تەڭىز كولىگىندەگى تاسىمالداۋ قىزمەتىمەن بايلانىستى ادامدار جانە جۇكتەردى اۆتوموبيلمەن حالىقارالىق تاسىمالداۋدى جۇزەگە اسىراتىن جۇرگىزۋشىلەر، سونداي-اق ترانزيتتىك جۇرگىزۋشىلەر شەكارانى كەسىپ وتكەن ورىندارىندا COVID-19-عا زەرتحانالىق تەكسەرۋگە جاتادى.
ۆاحتالىق ادىسپەن جۇمىس ىستەيتىن، "تەڭىزشيەۆرويل" ج ش س وبەكتىلەرىنەن دەموبيليزاسيالانعان ادامدار COVID-19-عا زەرتحانالىق تەكسەرۋ جۇرگىزۋ ءۇشىن كەلگەن ورنى بويىنشا كارانتيندىك ستاسيوناردا 2 تاۋلىككە دەيىن وقشاۋلاۋعا جاتادى، وڭ ناتيجەلى ادامدار ەمدەۋ ءۇشىن ينفەكسيالىق ستاسيونارعا اۋىستىرىلادى، COVID-19-عا تەرىس ناتيجەلى ادامدار 12 تاۋلىك بويى ۇيدە (ءۇي كارانتينى) وقشاۋلانادى. ۇيدە وقشاۋلاۋ ءۇشىن جاعداي بولماعان كەزدە كارانتيندىك ستاسيوناردا وقشاۋلاۋ ۇسىنىلادى.
3) ءتيىستى اۋماقتىڭ باس مەملەكەتتىك سانيتاريالىق دارىگەرى وڭىردەگى جانە الەمدەگى قالىپتاسقان ەپيدەميولوگيالىق جاعدايدى ەسكەرە وتىرىپ، شەت ەلدەردەن كەلگەن جولاۋشىلاردى كارانتيندەۋ تۋرالى شەشىم قابىلداۋعا قۇقىلى.
2. تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ كولىكتەگى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى، اۋماقتىق دەپارتامەنتتەرى، قازاقستان رەسپۋبليكاسىنىڭ مەملەكەتتىك شەكاراسى ارقىلى اۆتوموبيل وتكىزۋ پۋنكتتەرىندەگى مەملەكەتتىك كىرىستەر ورگاندارىنىڭ قۇرىلىمدىق بولىمشەلەرى:
1) قازاقستان رەسپۋبليكاسىنىڭ مەملەكەتتىك شەكاراسى ارقىلى بارلىق وتكىزۋ پۋنكتتەرىندە شەتەلدەن كەلگەن بارلىق ادامدارعا (ونىڭ ىشىندە ۇشقىشتار، بورتسەرىكتەر، ماشينيستەر، جولسەرىكتەر، جۇرگىزۋشىلەر، تاسىمالداۋشىلار جانە باسقالار) مىندەتتى تەرمومەتريا جۇرگىزۋ ارقىلى سانيتاريالىق-كارانتيندىك باقىلاۋ جۇرگىزۋدى؛
2) حالىقارالىق اۋەجايلارداعى، تەمىرجول كولىگىندەگى جانە اۆتووتپە جولدارىنداعى قازاقستان رەسپۋبليكاسىنىڭ مەملەكەتتىك شەكاراسى ارقىلى وتكىزۋ پۋنكتتەرىندە جولاۋشىلارعا، ەكيپاج مۇشەلەرىنە، بورتسەرىكتەرگە، ماشينيستەرگە جانە جولسەرىكتەرگە ساۋالناما جۇرگىزۋدى؛
3) رەيس كەلگەننەن كەيىن ەكى ساعات ىشىندە قازاقستان رەسپۋبليكاسى دەنساۋلىق ساقتاۋ مينيسترلىگىنىڭ ۆەب-قوسىمشاسىنا دەرەكتەردى بەرە وتىرىپ، ساۋالنامالاردى تانۋ جۇيەسىنىڭ دەرەكتەرىن وڭدەۋدى قامتاماسىز ەتسىن.
3. وبلىستاردىڭ، الماتى، نۇر-سۇلتان، شىمكەنت قالالارىنىڭ اكىمدەرى:
1) ويىن-ساۋىق، سپورتتىق جانە باسقا دا بۇقارالىق ءىس-شارالاردى، سونداي-اق وتباسىلىق، ەسكە الۋ ءىس-شارالارىن وتكىزۋگە تىيىم سالۋدى؛
2) ساۋدا-ويىن-ساۋىق ورتالىقتارىنىڭ، كينوتەاترلاردىڭ، تەاترلاردىڭ، كورمەلەردىڭ جانە ادامدار كوپ جينالاتىن باسقا دا وبەكتىلەردىڭ قىزمەتىنە تىيىم سالۋدى؛
3) ءدىني وبەكتىلەردىڭ قىزمەتىنە تىيىم سالۋدى؛
4) ەپيدەمياعا قارسى رەجيم تالاپتارىنىڭ جۇمىس رەجيمىنىڭ ساقتالۋىنا مونيتورينگتى جانە اكىمدىكتەر جانىنداعى ءموبيلدى توپتاردىڭ وبەكتىلەرگە ىرىكتەپ تەكسەرۋ جۇرگىزۋىن؛
5) اسكەري بولىمگە كەلگەننەن كەيىن اسكەرگە شاقىرىلۋشىلاردى پتر ادىسىمەن سوVID-19-عا زەرتحانالىق تەكسەرۋدى؛
6) وسى قاۋلىعا 3-قوسىمشاعا سايكەس قوعامدىق ورىندارعا، ونەركاسىپتىك اۋماقتارعا، اۋەجايلارعا، اۋلالىق بالالار الاڭدارىنا جانە باسقا دا وبەكتىلەرگە سانيتاريالىق جانە دەزينفەكسيالىق وڭدەۋ جۇرگىزۋدى؛
7) حالىق اراسىندا COVID-19-دىڭ تارالۋىنىڭ پروفيلاكتيكاسى بويىنشا ءاقپاراتتىق-تۇسىندىرۋ جۇمىستارىن جۇرگىزۋدى قامتاماسىز ەتسىن.
4. وبلىستاردىڭ، الماتى، نۇر-سۇلتان، شىمكەنت قالالارىنىڭ اكىمدەرى COVID-19 سىرقاتتانۋشىلىعىنىڭ ءوسۋى 7 كۇن ىشىندە 7%-دان اساتىن دەڭگەيگە جەتكەن جاعدايدا:
1) ەكى جانە ودان كوپ ادامنىڭ بىرلەسىپ سەرۋەندەۋى كەزىندە ماسكانى مىندەتتى تۇردە كيۋ جانە الەۋمەتتىك قاشىقتىقتى ساقتاي وتىرىپ، حالىقتىڭ تۇراتىن جەرىنەن ەركىن شىعۋىنا رۇقسات بەرۋدى؛
2) الەۋمەتتىك قاشىقتىقتى ساقتاي وتىرىپ، 3 ادامنان اسپايتىن توپتارمەن نەمەسە ءبىر وتباسى مۇشەلەرىنىڭ ساياباقتارعا، الاڭدارعا جانە سكۆەرلەرگە، ويىن-ساۋىق وبەكتىلەرى جوق جاعالاۋلارعا بارۋىنا رۇقسات بەرۋدى؛
3) الەۋمەتتىك قاشىقتىقتى ساقتاي وتىرىپ، اۋلاعا شىعۋعا رۇقسات (3 ادامنان اسپايتىن توپتار نەمەسە ءبىر وتباسىنىڭ مۇشەلەرى) بەرۋدى ؛
4) كۇشەيتىلگەن سانيتاريالىق-دەزينفەكسيالىق رەجيمدى جانە كولىكتەگى باس مەملەكەتتىك سانيتاريالىق دارىگەر بەلگىلەگەن قوسىمشا تالاپتاردى مىندەتتى تۇردە ساقتاي وتىرىپ، قازاقستان رەسپۋبليكاسىنىڭ وڭىرلەرى اراسىندا كىرۋگە/شىعۋعا (اۆيارەيستەر) رۇقسات بەرۋدى؛
5) ساياجايعا (قالا سىرتىنداعى ۇيگە) بارۋ ءۇشىن ەلدى مەكەننەن شىعۋعا/ودان كىرۋگە رۇقسات بەرۋدى قامتاماسىز ەتسىن.
5. وبلىستاردىڭ، الماتى، نۇر-سۇلتان، شىمكەنت قالالارىنىڭ اكىمدەرى، وڭىرلەردەگى "اتامەكەن" ۇلتتىق كاسىپكەرلەر پالاتاسى COVID-19 سىرقاتتانۋشىلىعىنىڭ ءوسۋى 7 كۇن ىشىندە 7%-دان اسپايتىن دەڭگەيگە جەتكەن جاعدايدا:
1) ايماققا ءبولۋ تالاپتارىن جانە كۇشەيتىلگەن سانيتاريالىق-دەزينفەكسيالىق رەجيمدى ساقتاي وتىرىپ، مەديسينالىق ورتالىقتاردىڭ قىزمەتىن (جازىلۋ بويىنشا)؛
2) وسى قاۋلىعا 4-قوسىمشاعا سايكەس كۇشەيتىلگەن سانيتاريالىق-دەزينفەكسيالىق رەجيمدى ساقتاي وتىرىپ جانە جۇمىس رەجيمىن 10:00-دەن 17:00-گە دەيىن ۋاقىتشا شەكتەي وتىرىپ، ازىق-تۇلىك بازارلارىنىڭ قىزمەتىن؛
3) كۇشەيتىلگەن سانيتاريالىق-دەزينفەكسيالىق رەجيمدى ساقتاي وتىرىپ، جۇمىس رەجيمىن 10:00-دەن 17:00-گە دەيىن ۋاقىتشا شەكتەي وتىرىپ، اۋدانى 2 مىڭ شارشى مەترگە دەيىنگى ازىق-تۇلىك ەمەس دۇكەندەردىڭ جۇمىسىن؛
4) كۇشەيتىلگەن سانيتاريالىق-دەزينفەكسيالىق رەجيمدى ساقتاي وتىرىپ، ازىق-تۇلىك ەمەس بازارلاردىڭ (عيماراتتاردان تىس) جۇمىسىن؛
5) كۇشەيتىلگەن سانيتاريالىق-دەزينفەكسيالىق رەجيمدى ساقتاي وتىرىپ، قۇرىلىس دۇكەندەرىنىڭ، ساياجاي ينۆەنتارىن ساتاتىن، وپتيكانىڭ (دۇكەندەر)، گۇل دۇكەندەرىنىڭ، زوودۇكەندەردىڭ، جينالۋدى جانە ۇزاق جانە تىعىز بايلانىستى بولدىرمايتىن وزگە دە وبەكتىلەردىڭ جۇمىسىن؛
6) وسى قاۋلىعا 5-قوسىمشاعا سايكەس كۇشەيتىلگەن سانيتاريالىق-دەزينفەكسيالىق رەجيمدى ساقتاي وتىرىپ، تەحنيكالىق قىزمەت كورسەتۋ ستانسيالارىنىڭ، اۆتوجۋۋ، شينومونتاج، اۆتوسالونداردىڭ جۇمىسىن؛
7) مەديسينالىق ماسكا كيگەن كەلۋشىلەردى كىرگىزۋدى قامتاماسىز ەتە وتىرىپ جانە كۇشەيتىلگەن سانيتاريالىق-دەزينفەكسيالىق رەجيمدى ساقتاي وتىرىپ، سۇلۋلىق سالوندارىنىڭ جۇمىسىن (الدىن الا جازىلۋ بويىنشا)؛
8) كۇشەيتىلگەن سانيتاريالىق-دەزينفەكسيالىق رەجيمدى ساقتاي وتىرىپ بيزنەس ورتالىقتارىنىڭ (ساقتاندىرۋ كومپانيالارى، ادۆوكات، نوتاريۋس، بۋحگالتەر جانە كونسالتينگ كورسەتىلەتىن قىزمەتتەرى، جىلجىمايتىن مۇلىك جونىندەگى اگەنتتىكتتەر جانە ت. ب.) جۇمىسىن؛
9) وسى قاۋلىعا 6-قوسىمشاعا سايكەس كۇشەيتىلگەن سانيتاريالىق-دەزينفەكسيالىق رەجيمدى ساقتاي وتىرىپ، سپورت وبەكتىلەرىنىڭ قىزمەتىن (30 ادامعا دەيىنگى توپتار ءۇشىن وقۋ-جاتتىعۋ پروسەسىن جۇرگىزۋ)؛
10) وسى قاۋلىعا 7-قوسىمشاعا سايكەس كۇشەيتىلگەن سانيتاريالىق-دەزينفەكسيالىق رەجيمدى ساقتاي وتىرىپ، مادەنيەت وبەكتىلەرىنىڭ جۇمىسىن (30 ادامعا دەيىن جەكە جانە توپتىق دايىندىق)؛
11) حالىققا قىزمەت كورسەتۋ جونىندەگى وبەكتىلەردىڭ: وسى قاۋلىعا 8-قوسىمشاعا سايكەس كۇشەيتىلگەن سانيتاريالىق-دەزينفەكسيالىق رەجيمدى ساقتاي وتىرىپ، جينالۋدى جانە ۇزاق جانە تىعىز بايلانىستى بولدىرمايتىن تيپوگرافيالىق قىزمەتتەر كورسەتەتىن وبەكتىلەر، تىگىن اتەلەلەرى، اياق كيىم شەبەرحانالارى، اياق كيىم، كيىم جوندەۋ جونىندەگى سەرۆيس، حيميالىق تازارتۋ، كىر جۋۋ ورىندارى جانە وزگە دە وبەكتىلەردىڭ جۇمىسىن؛
12) وسى قاۋلىعا 9-قوسىمشاعا سايكەس حالىقتىڭ تۇرۋى بويىنشا قىزمەت كورسەتۋ سالاسىنداعى تۋريزم وبەكتىلەرى مەن ۇيىمدارىنىڭ (قوناقۇيلەر، وتلەدەر، دەمالىس ۇيلەرى، تۋريستىك بازالار جانە ت.ب.) جۇمىس الگوريتمىن ساقتاۋدى؛
13) وسى قاۋلىعا 10-قوسىمشاعا سايكەس اۋەجايلار، تەمىرجول جانە اۆتوموبيل ۆوكزالدارىنىڭ جۇمىس الگوريتمىن ساقتاۋدى؛
14) وسى قاۋلىعا 11-قوسىمشاعا سايكەس كوكتەمگى ەگىس جۇمىستارىنا تارتىلعان ۇيىمدار مەن قىزمەتكەرلەردىڭ جۇمىس الگوريتمىن ساقتاۋدى قامتاماسىز ەتسىن.
6. وبلىستاردىڭ، الماتى، نۇر-سۇلتان، شىمكەنت قالالارىنىڭ اكىمدەرى، ورتالىق مەملەكەتتىك ورگاندار، قۇقىق قورعاۋ جانە ارنايى ورگاندار:
1) وسى قاۋلىعا 12-قوسىمشاعا سايكەس الەۋمەتتىك قاشىقتىقتى جانە كۇشەيتىلگەن سانيتاريالىق-دەزينفەكسيالىق رەجيمدى ساقتاي وتىرىپ، مەملەكەتتىك ورگانداردىڭ (ۇيىمداردىڭ)، وفيستەردىڭ قىزمەتىن قامتاماسىز ەتسىن. بۇل رەتتە قىزمەتكەرلەردىڭ 50% ءۇشىن قاشىقتىقتان (شتاتتىق كەستەدە 30-دان استام قىزمەتكەر بولعاندا) جۇمىس نىسانى ساقتالادى؛
2) وسى قاۋلىعا 13-قوسىمشاعا سايكەس وڭىرلەر اراسىنداعى بلوك بەكەتتەردە مىنالاردى قامتاماسىز ەتە وتىرىپ، سانيتاريالىق-كارانتيندىك باقىلاۋدى ۇيىمداستىرۋدى:
جۇمىس ورنىنان انىقتاما بولعان جانە جۇمىس ىستەيتىن جەرى بويىنشا ەلدى مەكەندە تۇرۋى تىركەلگەن جاعدايدا تج رەجيمى جويىلعاننان كەيىن ءوز جۇمىسىن قايتا باستاعان ۇيىمداردا جۇمىس ىستەۋ ءۇشىن ازاماتتاردىڭ كىرۋىنە جانە شىعۋىنا رۇقسات بەرىلەدى.
مەديسينالىق كورسەتىلىمدەر بويىنشا ەكى ادامنان ارتىق ەمەس ادامنىڭ ەرىپ جۇرۋىمەن كارانتين جاريالانعان وڭىرلەر/قالالار اۋماعىنا ازاماتتاردىڭ كىرۋىنە جانە ولاردان شىعۋىنا مىناداي قۇجاتتار بولعان جاعدايدا رۇقسات بەرىلەدى:
- دياگنوزدى جانە ەمدەۋدىڭ شۇعىلدىعىن راستاۋ ءۇشىن اۋماقتىق امبۋلاتوريالىق-ەمحانالىق ۇيىمنىڭ دارىگەرلىك-كونسۋلتاسيالىق كوميسسياسىنىڭ "دەنساۋلىق ساقتاۋ ۇيىمدارىنىڭ باستاپقى مەديسينالىق قۇجاتتاما نىساندارىن بەكىتۋ تۋرالى" قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2010 جىلعى 23 قاراشاداعى № 907 بۇيرىعىمەن بەكىتىلگەن 035-1/ە نىسانعا سايكەس قورىتىندىسى؛
- ءبىرىنشى باسشى قول قويعان جانە گەربتى مورمەن راستالعان دياگنوزى كورسەتىلگەن جانە شۇعىلدىعىن راستايتىن كارانتيندىك ايماقتا ورنالاسقان مەديسينالىق ۇيىمنان شاقىرۋ حات؛
ب) وسى قاۋلىنىڭ 6-تارماعى 2) تارماقشاسىنىڭ ا) ابزاسىندا كورسەتىلگەندەردى قوسپاعاندا، ادامداردىڭ جەكەلەگەن ساناتتارىنىڭ شىعۋىنا جانە كىرۋىنە رۇقساتتى جەرگىلىكتى اتقارۋشى ورگاندار بەرەدى. بۇل رەتتە كورسەتىلگەن ادامدار كەلگەن جەرى بويىنشا 14 كۇنگە ءۇي كارانتينىنە جاتادى.
3) جەدەل شتابتاردىڭ جانە ءتيىستى اۋماقتاعى باس مەملەكەتتىك سانيتاريالىق دارىگەردىڭ شەشىمى بويىنشا وڭىرلەر ىشىندەگى بلوك بەكەتتەردە سانيتاريالىق-كارانتيندىك باقىلاۋدى ۇيىمداستىرۋدى؛
4) مەديسينالىق ۇيىمداردا، قارتتار مەن مۇمكىندىگى شەكتەۋلى ادامدارعا ارنالعان مەديسينالىق-الەۋمەتتىك وبەكتىلەردە، سابيلەر ۇيلەرىندە، بالالار ۇيلەرىندە، الەۋمەتتىك وڭالتۋ ورتالىقتارىندا، مۇگەدەك بالالارعا ارنالعان، ينتەرنات ۇلگىسىندەگى وقۋ ورىندارىندا كارانتيندى جانە سانيتاريالىق-دەزينفەكسيالىق رەجيمدى ساقتاۋدى؛
5) قىزمەتىن جۇزەگە اسىراتىن بارلىق وبەكتىلەردە كۇشەيتىلگەن سانيتاريالىق-دەزينفەكسيالىق رەجيمدى (قولدى وڭدەۋگە ارنالعان سانيتايزەرلەردى ورناتۋ، بەتتەردى كۇنىنە كەمىندە ەكى رەت وڭدەۋ، دەزينفەكسيالاۋ قۇرالدارىن قولدانا وتىرىپ ىلعالدى جيناۋ، جەلدەتۋ)؛
6) ءاربىر رەيس الدىندا قوعامدىق كولىكتى، اۋەجايلاردى، تەمىرجول جانە اۆتوۆوكزالداردى، سۋپەرماركەتتەردى، بازارلاردى، قوعامدىق كولىك ايالدامالارىن (كۇنىنە كەمىندە ەكى رەت)، جەر ءۇستى جانە جەر استى جاياۋ جۇرگىنشىلەر وتپەلەرىنىڭ تايانىشتارىن، سپورتتىق سناريادتاردى، بالالار جانە سپورت الاڭدارىن، ورىندىقتار مەن وتىرعىشتاردى، بانكوماتتاردى، بانك تەرمينالدارىن، POS-تەرمينالداردى جۋۋ جانە دەزينفەكسيالاۋ قۇرالدارىن قولدانا وتىرىپ وڭدەۋدى قامتاماسىز ەتسىن.
7. وبلىستاردىڭ، الماتى، نۇر-سۇلتان، شىمكەنت قالالارىنىڭ اكىمدەرى، قازاقستان رەسپۋبليكاسى ءبىلىم جانە عىلىم مينيسترلىگى وڭىرلەردە COVID-19 سىرقاتتانۋشىلىعىنىڭ ءوسۋى 7 كۇن ىشىندە 7%-دان اسپايتىن دەڭگەيگە جەتكەن جاعدايدا:
1) وسى قاۋلىعا 14-قوسىمشاعا سايكەس كۇشەيتىلگەن سانيتاريالىق-دەزينفەكسيالىق رەجيمدى ساقتاي وتىرىپ، مەكتەپكە دەيىنگى ۇيىمداردا (جاسىنا قاراي) كەزەكشى توپتاردىڭ جۇمىسىن؛
2) قىزمەتكەرلەر مەن بالالاردىڭ دەنساۋلىق جاعدايىنا باقىلاۋ جۇرگىزۋ (تەرمومەتريا)، جرۆي بەلگىلەرى بار قىزمەتكەرلەر مەن بالالاردى شەتتەتۋ ارقىلى، سونداي-اق كۇشەيتىلگەن سانيتاريالىق-دەزينفەكسيالىق رەجيمدى ساقتاي وتىرىپ، ءبىلىم بەرۋ ورتالىقتارىنىڭ، ۇيىرمەلەردىڭ (جازىلۋ بويىنشا) جۇمىسىن؛
3) قىزمەتكەرلەر مەن بالالاردىڭ دەنساۋلىق جاعدايىنا باقىلاۋ جۇرگىزۋ (تەرمومەتريا)، جرۆي بەلگىلەرى بار قىزمەتكەرلەر مەن بالالاردى شەتتەتۋ ارقىلى، سونداي-اق كۇشەيتىلگەن سانيتاريالىق-دەزينفەكسيالىق رەجيمدى ساقتاي وتىرىپ، بالالاردىڭ تۇزەتۋ كابينەتتەرىنىڭ (الدىن الا جازىلۋ بويىنشا) جۇمىسىن قامتاماسىز ەتسىن.
8. وبلىستاردىڭ، الماتى، نۇر-سۇلتان، شىمكەنت قالالارىنىڭ اكىمدەرى، قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگى وڭىرلەردە COVID-19 سىرقاتتانۋشىلىعىنىڭ ءوسۋى 7 كۇن ىشىندە 7%-دان اسپايتىن دەڭگەيگە جەتكەن جاعدايدا:
1) كۇشەيتىلگەن سانيتاريالىق-دەزينفەكسيالىق رەجيمدى جانە كولىكتەگى باس مەملەكەتتىك سانيتاريالىق دارىگەر بەلگىلەگەن قوسىمشا تالاپتاردى مىندەتتى تۇردە ساقتاي وتىرىپ، قازاقستان رەسپۋبليكاسىنىڭ وڭىرلەرى (اۆيارەيستەر) اراسىندا كىرۋگە/شىعۋعا رۇقسات بەرۋدى؛
2) وسى قاۋلىعا 15-قوسىمشاعا سايكەس كۇشەيتىلگەن سانيتاريالىق-دەزينفەكسيالىق رەجيمدى جانە قوسىمشا تالاپتاردى ساقتاي وتىرىپ، شەكتەۋلەرمەن قوعامدىق كولىكتىڭ جۇمىسىن قايتا باستاۋدى قامتاماسىز ەتسىن.
9. وبلىستاردىڭ، الماتى، نۇر-سۇلتان، شىمكەنت قالالارىنىڭ اكىمدەرى، قازاقستان رەسپۋبليكاسى ادىلەت مينيسترلىگى وڭىرلەردە COVID-19 سىرقاتتانۋشىلىعىنىڭ ءوسۋى 7 كۇن ىشىندە 7%-دان اسپايتىن دەڭگەيگە جەتكەن جاعدايدا كۇشەيتىلگەن سانيتاريالىق-دەزينفەكسيالىق رەجيمدى ساقتاي وتىرىپ، حالىققا قىزمەت كورسەتۋ ورتالىقتارىنىڭ جۇمىسىن قامتاماسىز ەتسىن.
10. وبلىستاردىڭ، الماتى، نۇر-سۇلتان، شىمكەنت قالالارىنىڭ اكىمدەرى، قازاقستان رەسپۋبليكاسى ۇلتتىق بانكى وڭىرلەردە COVID-19 سىرقاتتانۋشىلىعىنىڭ ءوسۋى 7 كۇن ىشىندە 7%-دان اسپايتىن دەڭگەيگە جەتكەن جاعدايدا الەۋمەتتىك قاشىقتىقتى جانە كۇشەيتىلگەن سانيتاريالىق-دەزينفەكسيالىق رەجيمدى ساقتاي وتىرىپ، ەكىنشى دەڭگەيدەگى بانكتەردىڭ جۇمىسىن قامتاماسىز ەتسىن.
11. قورعانىس مينيسترلىگى، ىشكى ىستەر مينيسترلىگى، مەملەكەتتىك كۇزەت قىزمەتى، ۇلتتىق قاۋىپسىزدىك كوميتەتىنىڭ شەكارا قىزمەتى:
1) اسكەري بولىمدەرگە كەلگەننەن كەيىن قوسىمشا اسكەردى 14 تاۋلىككە وقشاۋلاۋدى، ولاردىڭ اسكەرگە شاقىرىلعان وڭىرلەرى بويىنشا بولەكتەۋدى؛
2) قوسىمشا اسكەردى ورنالاستىرۋ ءۇشىن ورىندار دايىنداۋدى؛
3) قوسىمشا اسكەردىڭ كەستە بويىنشا بوس ۋاقىتتى وتكىزۋ ءۇي-جايلارىندا (مونشا-كىر جۋۋ قىزمەتىن كورسەتەتىن جانە باسقا دا ورتاق پايدالانىلاتىن ورىنداردا) بولۋىن ۇيىمداستىرۋدى جانە باسقا جەكە قۇراممەن بايلانىستى بولدىرماي، تاماقتانۋدى ۇيىمداستىرۋدى قامتاماسىز ەتسىن.
12. قازاقستان رەسپۋبليكاسى اقپارات جانە قوعامدىق دامۋ مينيسترلىگى وبلىستاردىڭ، الماتى، نۇر-سۇلتان، شىمكەنت قالالارىنىڭ اكىمدىكتەرىمەن بىرلەسىپ حالىق اراسىندا COVID-19 تارالۋىنىڭ پروفيلاكتيكاسى بويىنشا ءاقپاراتتىق-تۇسىندىرۋ جۇمىستارىن جانداندىرسىن.
13. وبلىستاردىڭ، الماتى، نۇر-سۇلتان، شىمكەنت قالالارىنىڭ دەنساۋلىق ساقتاۋ باسقارمالارىنىڭ باسشىلارى:
1) كلينيكالىق حاتتاماعا سايكەس تەكسەرۋ ءۇشىن 3 كۇنگە دەيىنگى مەرزىمگە COVID-19-بەن اۋىراتىن ناۋقاستاردى ينفەكسيالىق ستاسيونارعا جاتقىزۋدى قامتاماسىز ەتسىن. سيمپتومسىز ۆيرۋس تاسىمالداۋشىلىق كەزىندە (پتر رنك SARSCoV-2 وڭ ناتيجەسى، شاعىم جوق، وكپەنى اسپاپتىق ۆيزۋاليزاسيالاۋ كەزىندە كلينيكالىق سيمپتومدار جانە پاتولوگيالىق وزگەرىستەر جوق) پاسيەنت تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ اۋماقتىق دەپارتامەنتى ەپيدەميولوگىنىڭ كەلىسىمى بويىنشا ەمدەۋشى دارىگەردىڭ شەشىمىمەن شىعارىلۋعا جاتادى؛
2) كلينيكالىق حاتتاماعا سايكەس وقشاۋلاۋ جاعدايلارى بولعان كەزدە COVID-19 سيمپتومسىز ۆيرۋس تاسىمالداۋشى ادامداردىڭ ۇيدەگى كارانتينىن جانە مەديسينالىق باقىلاۋدى؛
3) ۇيدە وقشاۋلاۋ جاعدايى بولماعان كەزدە COVID-19 سيمپتومسىز ۆيرۋس تاسىمالداۋشى ادامداردى كارانتيندىك ستاسيونارعا جاتقىزۋدى؛
4) ءۇي كارانتينىن ۇيىمداستىرۋ ءۇشىن تۇرعىن ءۇيدىڭ تالاپتارعا سايكەستىگىن باعالاۋدى؛
5) ۇيدە مەديسينالىق باقىلاۋدىڭ جۇرگىزىلۋىن جانە ءۇي كارانتينى تالاپتارىنىڭ ساقتالۋىن باقىلاۋدى؛
6) COVID-19-عا زەرتحانالىق تەكسەرۋ جۇرگىزۋ ءۇشىن شەتەلدەن كەلگەن ادامداردى كارانتيندىك ستاسيونارعا جاتقىزۋدى؛
7) سوVID-19 سيمپتومسىز ۆيرۋس تاسىمالداۋشى ادامداردى جانە شەتەلدەن/وڭىرلەردەن كەلگەن ادامداردى ءارتۇرلى كارانتيندىك ستاسيونارلارعا ورنالاستىرۋدى؛
8) مەديسينا پەرسونالىنىڭ ورنىن اۋىستىرۋىن بولدىرماي ولاردى كارانتيندىك ستاسيونارلارعا بەكىتۋدى (COVID-19 سيمپتومسىز ۆيرۋس تاسىمالداۋشى ادامدارعا ارنالعان كارانتيندىك ستاسيونارلاردىڭ مەديسينا پەرسونالىن جانە شەتەلدەن/وڭىرلەردەن كەلگەن ادامدارعا ارنالعان كارانتيندىك ستاسيونارلاردىڭ مەديسينا پەرسونالىن ارالاستىرۋعا جول بەرىلمەيدى)؛
9) كارانتيندىك ستاسيونارلاردىڭ مەديسينا پەرسونالىنىڭ قورعاۋ دەڭگەيى 2 جقق-نى پايدالانۋىن؛
10) وسى قاۋلىعا 16-قوسىمشاعا سايكەس COVID-19-عا زەرتحانالىق زەرتتەۋدى؛
11) COVID-19 ناۋقاستارىمەن بايلانىستا بولعان ادامداردى COVID-19-عا زەرتحانالىق تەكسەرۋدى (ىقتيمال بايلانىس) جانە ولارعا COVID-19-دىڭ ىقتيمال سيمپتومدارى تۋرالى ءتۇسىندىرۋدى؛
12) ۇيدە وقشاۋلاۋ جاعدايىندا 14 كۇن بويى COVID-19 ناۋقاستارىمەن بايلانىستا بولعان ادامداردى (جاقىن بايلانىس) زەرتحانالىق تەكسەرۋدى جانە مەديسينالىق باقىلاۋدى (ءۇي كارانتينى)؛
13) وسى قاۋلىعا 17-قوسىمشاعا سايكەس حالىققا پروفيلاكتيكالىق ەگۋدى جۇرگىزۋدى قامتاماسىز ەتسىن.
14. تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ كولىكتەگى، اۋماقتىق دەپارتامەنتتەرىنىڭ باسشىلارى:
1) COVID-19 ناۋقاسىنان COVID-19 جاعدايىنىڭ تىركەلگەنى تۋرالى حابارلاما العان ساتتەن باستاپ 3 ساعات ىشىندە ساۋالناما الۋدى؛
2) COVID-19 جاعدايىنىڭ تىركەلگەنى تۋرالى حابارلاما العان ساتتەن باستاپ 24 ساعات ىشىندە ەپيدەميولوگيالىق تەرگەپ-تەكسەرۋ كارتاسىن رەسىمدەي وتىرىپ، COVID-19-دىڭ ءاربىر جاعدايىن ەپيدەميولوگيالىق تەرگەپ-تەكسەرۋدى قامتاماسىز ەتسىن.
15. وبلىستاردىڭ، نۇر-سۇلتان، الماتى جانە شىمكەنت قالالارىنىڭ حالىقارالىق اۋەجايلارىنىڭ باسشىلارى:
1) شەتەلدەن كەلگەننەن كەيىن اۋە كەمەلەرىن، ونىڭ ىشىندە قىزمەت كورسەتەتىن جەر ءۇستى جابدىعى مەن كولىگىن قورىتىندى دەزينفەكسيالاۋدى؛
2) ءاربىر تۇراقتى جانە چارتەرلىك رەيستەردەن كەيىن اۋە كەمەلەرىن اعىمداعى پروفيلاكتيكالىق دەزينفەكسيالاۋدى؛
3) تۇراقتى جانە چارتەرلىك رەيستەردىڭ جولاۋشىلارىن تۇسىرۋگە جانە وتىرعىزۋعا تارتىلعان اۋەجاي تەرمينالدارىنىڭ بارلىق ءۇي-جايلارىن اعىمداعى پروفيلاكتيكالىق دەزينفەكسيالاۋدى قامتاماسىز ەتسىن.
16. "قازپوچتا" اكسيونەرلىك قوعامى الەۋمەتتىك قاشىقتىقتى جانە كۇشەيتىلگەن سانيتاريالىق-دەزينفەكسيالىق رەجيمدى ساقتاي وتىرىپ، بولىمشەلەردىڭ جۇمىسىن، قىزمەتكەرلەردىڭ حالىققا ءبىر رەت قولدانىلاتىن قولعاپتار مەن مەديسينالىق ماسكادا قىزمەت كورسەتۋىن، پوچتا حات-حابارلارىمەن (حاتتار، سالەمدەمەلەر جانە ت.ب.) جاناسۋمەن بايلانىستى جۇمىستى جەكە قورعانىش قۇرالدارىمەن (حالات، مەديسينالىق ماسكا، قولعاپتار) جۇرگىزۋىن قامتاماسىز ەتسىن.
17. وسى قاۋلىنىڭ ورىندالۋىن باقىلاۋدى وزىمە قالدىرامىن.
18. وسى قاۋلى 2020 جىلعى 11 مامىردا 00 ساعات 00 مينۋتتان باستاپ كۇشىنە ەنەدى.
