ەنەرگەتيكا ءمينيسترىنىڭ 2024 جىلعى 21 قازانداعى بۇيرىعىمەن ەلەكتر ەنەرگياسىنىڭ تاريفتەرىنە وزگەرىستەر ەنگىزىلدى، - دەپ حابارلايدى Dalanews.kz Nege.kz-كە سىلتەپ.

قۇجات 2024 جىلعى 1 قاراشادان باستاپ قولدانىسقا ەنگىزىلەدى. بۇيرىق بويىنشا ەلەكتر ەنەرگياسىنىڭ شەكتى تاريفتەرى وسەدى:

– 1-توپ (ب. نۇرجانوۆ اتىنداعى ەكىباستۇز گرەس–1) – كۆت/ساع ءۇن 8،05-تەن 8،27 تەڭگەگە دەيىن؛

– 2-توپ (ەۋروازيالىق ەنەرگەتيكالىق كورپوراسيا) – 7،40 تەڭگەدەن 7،98 تەڭگەگە دەيىن؛

– 9-توپ ("استانا-ەنەرگيا" اق) – 8،49 تەڭگەدەن 9،28 تەڭگەگە دەيىن؛

– 12-توپ ("قازاقستان ءاليۋمينييى" اق) – 6،05 تەڭگەدەن 7،87 تەڭگەگە دەيىن؛

– 18-توپ ("ستەپنوگور جەو" ج ش س) – 22،58 تەڭگەدەن 28،97 تەڭگەگە دەيىن؛

– 28-توپ ("جاڭاجول گتەس" ج ش س) – 11،44 تەڭگەدەن 11،85 تەڭگەگە دەيىن؛

– 39-توپ ("ز-ەنەرگوورتالىق" اق) – 13،79 تەڭگەدەن 15،09 تەڭگەگە دەيىن؛

– 48-توپ ("قازحروم" تۇك" اق) – 7،59 تەڭگەدەن 10،67 تەڭگەگە دەيىن.

سونداي-اق، ەلەكتر ەنەرگياسىنا مىنا تاريفتەر بەكىتىلدى:

– 56-توپ كۆت/ساع ءۇشىن 43،92 تەڭگە تاريفىمەن؛

– 57-توپتىڭ ءتاريفى 56،63 تەڭگە؛

– 58-توپتىڭ ءتاريفى 26،08 تەڭگە؛

– 59-توپتىڭ ءتاريفى 22،56 تەڭگە؛

– 60-توپتىڭ ءتاريفى 3،07 تەڭگە.

ايتا كەتەيىك، بۇعان دەيىن الماتىدا دا ەلەكتر ەنەرگياسىنىڭ ءتاريفى وزگەرەتىنى بەلگىلى بولدى. بۇل تۋرالى وكق-دە وتكەن بريفينگتە الماتى قالاسى بويىنشا تابيعي مونوپوليالاردى رەتتەۋ دەپارتامەنتىنىڭ باسشىسى اسەل بودەنەيەۆا مالىمدەدى.

الماتىدا بارلىق تۇتىنۋشىعا تاريفتەر 15 قازاننان باستاپ وزگەرەدى.

"ورتاشا تاريف 29،04 تەڭگە بولادى، ياعني 3،7 پايىزعا ءوسىپ وتىر. حالىققا 27،59 تەڭگەگە وزگەرەدى، ياعني 8 پايىزعا وسەدى. زاڭدى تۇلعالارعا 30،08 تەڭگە بولادى، 8 پايىزعا وسەدى. بيۋدجەتتىك ۇيىمداردىڭ ءتاريفى 30،47 تەڭگە بولادى، ول 7 پايىزعا تومەندەيدى"، – دەدى دەپارتامەنت وكىلى الماتىنىڭ وڭىرلىك كوممۋنيكاسيالار قىزمەتى الاڭىندا وتكەن بريفينگتە.