Cоңғы жаңалықтар
Back

Түлкібастық диқандар сояның жаңа сортын егуді қолға алды

Түлкібас ауданында алғаш рет сояның әлемдік нарықта үлкен сұранысқа ие жаңа сорты егілді. Тәжірибе оң нәтижесін берсе 2022 жылы соя дақылын (бұршақ тұқымдас өсімдік) өндірістік көлемін ұлғайтып 500-600 гектар жерге егу жоспарлануда, – деп хабарлайды Dalanews.kz Түркістан облысы әкімінің баспасөз қызметіне сілтеме жасап.

Аудандық ауыл шаруашылығы бөлімі мен арнайы келіп, тәжірибесімен бөліскен «Оңтүстік-Батыс мал шаруашылығы және өсімдік шаруашылығы ғылыми-зерттеу институты» ЖШС-нің атқарушы директоры, ауыл шаруашылығы ғылымдарының кандидаты Г.Тастанбекованың қатысуымен Жаскешу ауылдық округінің аумағындағы «Борсықсай» ЖШС-нің 2 гектар суғармалы жеріне ауданда соя дақылын жерсінуін бақылап, зерттеу мақсатында (тәжірибе ретінде) соя дақылын екті.

Өңірде суды үнемдеу, жер құнарын сақтау, арттыру және өнімді көбейту мақсатында бірқатар тың жобалар қолға алынған. Бұршақ тұқымдас соя дақылы әлемдік нарықта жоғары сұранысқа ие. Көптеген мемлекеттер оны ет тағамдарының орнына тұтынады. Жер құнарын арттыруға септігі де көп екен.

Тағы оқыңыз:

Ордабасы ауданына 7,5 млрд. теңгенің инвестициясы тартылған

English EN Қазақ тілі KK Русский RU