1 шілдеден бастап есептегіш құрылғысы орнатылмаған көппәтерлі үйлердегі суық су тарифтерін есептеу ережелері өзгерді, деп хабарлайды Dalanews.kz.
1 шілдеден бастап Қазақстанда есептегіш құрылғысы жоқ көппәтерлі үйлердегі суық су тарифтерін жаңа тәсілмен есептейтін ережелер күшіне енді, оған сәйкес тарифтер сол шамадағы үйлерегі орташа тәуліктік су тұтыну көлеміне негізделе есептелген.
Бұл көлем үйдің ортақ есептегіш құрылғыларында көрсетілген көрсеткіштер негізінде есептеледі, жаңа нормаларды есептеу үшін кемінде шамалас 20 тұрғын үй кешені бойынша статистикалық деректер пайдаланылып-екшелді (шағын қалалар мен ауылдық жерлерде – жалпы санның кем дегенде 10%).
Өнеркәсіп және құрылыс министрлігінің бастамасы бойынша қолға алынған жаңа тәсіл "көршілер" үшін төлем жағдайларын қоспағанда, есептеуді әділ, ашық және нақты тұтынысқа жақындатуға бағытталған. Сонымен қатар, осылайша халықты есептегіш құралдарын орнатуға ынталандыру жүргізіледі.
Енді есеп "аспаннан" алынған ресми стандарттарға емес, суды тұтынудың нақты көрсеткіштеріне сай негізделеді. Ал егер жыл бойында белгіленген нормадан асып кету жағдайы тіркелсе, онда сумен жабдықтау жөніндегі ұйым әкімдікке нақты деректер негізінде қолданыстағы нормативтерді қайта қарау туралы ұсыныс енгізуі тиіс.
Бұл - коммуналдық төлемдерді есептеуге неғұрлым дәл, негізделген және әділ бағытта қабылданған кезекті қадам. Алайда, жергілікті жерлерде көп нәрсе сумен жабдықтаушы ұйымдардың адалдығына және тұрғын үйді басқару сапасына байланысты да болып келеді. Жаңа нормалар формальды болып қалмай, іс жүзінде қолданылғаны маңызды.
