Esterińizde bolsa, qorǵanys isteri jónindegi oblystyq departament basshysynyń áskerge shaqyrý jónindegi orynbasary, 47 jastaǵy Asqar Ospanov 52 jastaǵy departament basshysy Berdibek Beristenovty atyp óltirip, politsiia qyzmetkerlerine berilýden bas tartqan edi.
Ol az bolǵandai, Asqar Ospanov tártip saqshylaryna oq jaýdyryp, ǵimaratqa jaqyndatpaǵan.
Sýyt habar Taldyqorǵan qalasynyń ishki ister basqarmasynyń (IIB) kezekshi bólimine tańǵy 8 saǵat 10 minýtta túsken.
Sol mezette Taldyqorǵan IIB-synyń jeke quramy dabyl boiynsha kóterilip, áskeri komissariattyń aýmaǵy qorshaýǵa alyndy. Basqa qaiǵyly oqiǵalardyń oryn alýyna jol bermeý maqsatynda qorǵanys uiymynyń ujymy qaýipsiz jerge kóshirildi.
Oqiǵa ornyna quqyq qorǵaý organdarynyń jáne basqa da kúshtik qurylymdardyń basshylary jetti.
Ádette, sálemi túzý Almaty oblystyq ishki ister departamentiniń basshysy Murat Urymhanov qasymyzdan ún-túnsiz tómen qarap óte shyqty.
Al Ospanov bolsa, qarýdy tapsyryp, politsiiaǵa berilý týraly úgitke nazar aýdarar emes. Ol, tipti, kóz jasyn tógip, ózine jalbarynǵan jubaiynyń sózin de qulaǵyna qystyrǵan joq.
Tek óziniń jan dosy – qorǵanys isteri jónindegi Taldyqorǵan qalalyq basqarmasynyń basshysys Eren Meirambekovtyń aitqanyna kónip, politsiiaǵa berilýge kelisti.
Sóitip, syrtqa aiaq basqan ol
— General myrza, aiypqa buiyrmańyz,
ol meni ábden mezi qyldy, orynsyz tiisip, jurt kózinshe namysymdy aiaqasty qylyp, balaǵattaityn, shydamym taýsyldy,
— dedi aiybyn moiyndaǵan Asqar Ospanov Murat Urymhanovqa.
Qorǵanys isteri jónindegi aýdandyq basqarmalardyń biriniń basshysy “Vremia” gazetiniń tilshisine qandy oqiǵadan bir kún buryn Almaty oblystyq departamentinde kóktemgi áskerge shaqyrý máseleleri boiynsha májilis ótkenin aitypty. Sol otyrys barysynda Departament basshysy Beristenov Ospanovty ornynan turǵyzyp, bet-kózine qaramaai, balaǵattaǵan deidi.
Qazir Asqar Ospanov tergeý abaqtysynda, qamaýda otyr. Atalmysh faktige qatysty qylmystyq is qozǵaldy.
Marqum Berdibek Beristenovtiń máiitin keshe týystary ushaqpen Shymkentke alyp ketti. Taldyqorǵanda ol jalǵyz turǵan eken.
https://youtu.be/lA5RRT6pVCg
