Qazirgi ýaqytta aqparattyq tehnologıalar, uıaly baılanys, teledıdar mańyzy arta túsýde. Internet tek aqparat kózi ǵana emes, sonymen qatar qarym-qatynas, oıyn-saýyq jáne bilim berýdiń ámbebap ortasyna aınaldy.
Internet qoldanýshylarynyń sany da kún saıyn artyp keledi. Internettiń úzdiksiz ósýine jáne aýqymynyń keńeıýine baılanysty ondaǵy zańsyz materıaldardyń da sany kóbeıýde.
Qazirgideı sıfrlyq álemde balalardy jelidegi qaýipterden qorǵaý mańyzdy máselege aınaldy. Memlekettik organdar osyndaı qaýipterge qarsy turý úshin barlyq qajetti sharalardy qabyldaýda. Degenmen, ınternettegi zańsyz áreketter máselesin tek memlekettik qurylymdardyń kúshimen sheshý múmkin emes.
Sondyqtan, BAQ salasyndaǵy zańnamalyq talaptardyń oryndalýyn qadaǵalaıtyn QR Mádenıet jáne aqparat mınıstrligi ata-analar úshin qoljetimdi sheshimder sholýyn usynady.
Ata-ana baqylaýy servısteri zańsyz kontentke qol jetkizýdi shekteýge, onlaın-áreketterdi qadaǵalaýǵa jáne qurylǵylardy paıdalaný ýaqytyn baqylaýǵa kómektesedi.
Ata-ana baqylaýyna arnalǵan tanymal qosymshalar:
- Kaspersky Safe Kids: saıttardy buǵattaý, geolokasıa, belsendilik týraly esepter.
- Dr.Web Security Space: antıvırýs jáne ata-ana baqylaýy, kontentti súzý.
- Qustodio (Ispanıa): kontentti súzý, ekran ýaqytyn shekteý, áleýmettik jelilerdi baqylaý.
- Net Nanny (AQSH): kontentti buǵattaý, ekran ýaqytyn shekteý jáne ornalasqan jerdi qadaǵalaý.
- Norton Family: saıttardy súzý, paıdalaný ýaqytyn shekteý jáne izdeý suraýlaryn qadaǵalaý.
- Kidslox: ekran ýaqytyn shekteý, qosymshalardy buǵattaý jáne ornalasqan jerdi qadaǵalaý.
- Parental Control Kroha (Ýkraına): qosymshalardy buǵattaý, veb-baqylaý, belsendilikke monıtorıń jasaý.
- Google Family Link: Android júıesinde belsendilikti baqylaýǵa arnalǵan tegin qosymsha. Ata-ana men balanyń qurylǵylaryna ornatý qajet.
- Kidlogger: belsendilikti qadaǵalaýǵa múmkindik beretin pasıvti baqylaý.
- Kiristirilgen múmkindikter: Android úshin Google Play arqyly, iOS úshin — geopozısıany qadaǵalaý úshin «Ekran ýaqyty» jáne «Ornalasqan jerdi anyqtaý».
- TikTok Family Pairing: jasóspirimderdiń TikTok qoldanýyn baqylaý, ekran ýaqytyn shekteý jáne kontentti súzý múmkindigimen.
