23 sáýir 2016 jyly Pavlodar oblysynyń Ertis aýdanyna qarasty Qyzyljar aýylynda Sedin Igor degen azamatty belgisiz bireýler óltirip ketken.
Odan biraz buryn, iaǵni 12 naýryz kúni Sedin Igor men 1989 jyly týǵan Havsamet Nurbol degen azamattyń arasynda jumys babynda kelispeýshilik bolyp, Igor Nurbolǵa til tigizgendikten, sońǵysy Igordi judyryǵymen bir márte uryp jibergen. Alaida kóp keshikpei Nurbol Igorden keshirim surap, oǵan jańa uialy telefon satyp ápergen, sóitip ekeýi tatýlasyp tynǵan.
Alaida, politsiia qyzmetkerleri Igordiń ólimin Nurboldan kórip, «sen kinálisiń, óltirgen sensiń, óitkeni ekeýlerińniń aralaryńda janjal bolǵandyqtan sen ony qasaqana óltirdiń» dep kináláp uryp-soǵyp, qylqyndyryp-qinap kúshtep moiyndatqan. Keiin sot aldy tergeýinde Nurbol jazyqsyz moiyndaýdan bas tartyp, shyndyqty aitqan.
Qylmystyń qalai jasalǵanyn úiretken jáne uryp-soǵýdy taǵy basqa qylmysqa qatysty mán-jáilerdi uiymdastyrǵan negizgi tulǵa Pavlodar oblysy Ertis aýdandyq ishki ister basqarmasynyń burynǵy orynbasary Omarov Erbol sot otyrysynda beti qyp-qyzyl bolyp, aiaq qolyn qoiarǵa jer tappai dirildep turǵan. Barlyq shyndyqty aityp, qorqytqanyn moiyndatqan Havsamet Nurbolǵa qarsy mardymdy eshteńe aita almai, kerisinshe Nurbolǵa óziniń uialy telefon nómirin bergenin, A-4 formattyq qaǵazǵa máiittiń jatqan jerin, qylmystyń josparyn Nurbolǵa syzyp bergenin moiyndaǵan jáne 24 mamyr 2016 jyly AP-162/1 mekemesinde qamaýda otyrǵan Havsamet Nurbolǵa ne úshin kirgenin aita almai qobaljydy.
Shyndyqty aityp qalai shyryldasa da, Pavlodar oblysynyń aýdanaralyq arnaiy qylmystyq soty (sýdia Nýrkiev A. G.) Havsamet Nýrboldy QR QK-niń 99 babynyń 1 tarmaǵy boiynsha aiyptap, 10 jylǵa bas bostandyǵynan aiyrýǵa jaza taǵaiyndaǵan.
Nurboldyń qorǵaýshysy, onyń Sedin Igordiń ólimine eshqandai qatysy joq ekenin sot ústinde tolyq dáleldep berdi. Qylmystyń sebep-saldary, ýaqyty, zattai aiǵaqtar, qylmystyq istegi qarama-qaishylyqtar, kýálerdiń sotta bergen jaýaptary, is boiynsha saraptamalar – barlyǵy Havsamet Nurboldyń kinásiz ekendigin kórsetti.
Kýágerler politsiiadan qorqyp durys kýálik ete almady. Áitpegende bizdiń aldynda jazyp alǵan aiǵaqtarymyz bar. Biraq ol videony advokat sotta usynǵanymen sýdia qaraýdan bas tartty. Sot isi bir jaqty qaralyp sýdia Nurboldyń alǵashqy bettegi politsiiaǵa bergen jaýabyn alǵa tartyp balamdy kináli dep tapty.
Esterińizge taǵy da salaiyn, tergeýshiler balamdy uryp soǵyp, aqyry bolmaǵan soń aldap sýlap «moiyndai salsań, jazań jeńil bolyp shartty túrde ǵana sottalasyń», dep moiyndatqan. Bul jerde istiń orys tilinde júrgizilgenin jáne aýdarmasy mardymsyz bolǵanyn da esterińizge salamyn.
Is bunymen árine bitpeidi. Alda apelliatsiialyq, kassatsiialyq sot alqalary tur. Olar qandai sheshim qabyldaityny ázirge beimálim!
https://www.youtube.com/watch?v=EHjIOLUeXg8&feature=youtu.be
