Hasan Qasymbaevqa qatysty sot qashan bastalatyny belgili boldy, dep habarlaidy Dalanews.kz.
Talǵar aýdany soty málimetinshe, Hasan Qasymbaevtyń isi boiynsha alǵashqy tyńdaý 20 tamyzǵa belgilengen. Bul is Talǵar aýdandyq sotynda qaralady.
Eske salaiyq, Hasan Qasymbaev byltyr qamaýǵa alynǵan bolatyn. Keiin politsiia málimdeme jasap, Hasan Qasymbaevtyń ustalýy Sherzattyń ólimine bailanysty emes ekenin habarlady.
PD málimetinshe, Qasymbaev 2 qarashada ustalyp, ýaqytsha ustaý izoliatoryna qamaýǵa alynǵan. Ol Arman Álimovti urlap, densaýlyǵyna aýyr ziian keltirdi degen kúdikke ilingen.
Oqiǵa 2021 jyly maýsymda bolǵan.
"Qazir qylmystyń barlyq mán-jaiyn jan-jaqty, tolyq jáne obektivti zertteýdi qamtamasyz etý úshin tergeý júrgizilip jatyr", - dedi buǵan deiin Almaty oblystyq PD ókilderi.
