Hanaryq aýylyna gaz keldi
Eldi mekende 247 úi, 2 myńǵa jýyq turǵyn bar. Buǵan qosa, qazirgi kezde Qasqasý jáne Qoǵaly aýyldyq okrýgine qarasty aýyldarǵa gaz qubyry tartylýda. Túrkistan oblysy ákimi Ómirzaq Shókeevtiń aýyldyq aimaqtardy damytý, halyqtyń ál-aýqatyn jaqsartý jónindegi tapsyrmasyna sáikes gazdandyrý jumystary júrgizilip jatyr.
Turǵyndardyń qýanyshyn bólisýge kelgen aýdan ákimi Tólegen Telǵaraev aldaǵy jyly qurylys jumystary tolyq aiaqtalsa, aýdan aýmaǵy 100 paiyzǵa tabiǵi gazǵa qosylatynyn jetkizdi. Sonymen qatar, Tólebi aýdanynda eldi mekenderge sapaly aýyz sýmen jetkizý máselesi de kezeń-kezeńimen sheshilip keledi.
Sharaǵa qatysqan aqsaqaldar atqarylyp jatqan jumystarǵa turǵyndardyń atynan alǵys aitty. Al sala mamandary aýyl turǵyndaryna tabiǵi gazdy qoldaný boiynsha keńester berdi. Tabiǵi gazdy tartý úshin aýyl turǵyndary esepshot ashyp, eseptegish quraldaryn ornatýy kerek.
