Qazaqstandyq jýrnalist Mihail Kozachkovtyń málimetinshe, halyqaralyq izdeýde júrgen bloger Qaisar Kamza Vetnamnan Qazaqstanǵa qaitarylyp jatyr, dep habarlaidy dalanews.kz.
Kozachkovtyń jazýynsha, oǵan oqyrmandary Vetnamnyń Kamran áýejaiynan túsirilgen fotosýretterdi joldaǵan. Kadrlarǵa qaraǵanda, Qaisar Kamza Qazaqstanǵa ushyp kele jatqan kórinedi. Jýrnalist onyń janynda Qazaqstan Respýblikasy Qarjylyq monitoring agenttiginiń (QMA) qyzmetkeri bolýy múmkin adam otyrǵanyn da atap ótken.
Eske salsaq, Qaisar Kamza 2026 jyldyń qańtarynda halyqaralyq izdeýge jariialanǵan bolatyn. Ol áleýmettik jelilerdegi daýly kontentiniń arqasynda Instagram-da 2 millionnan astam oqyrman jinaǵan.
Tergeý nusqasyna sáikes, bloger Qazaqstanda tyiym salynǵan onlain-kazinony jarnamalaýǵa qatysqan. Atap aitqanda, ol 400 myńnan astam jazylýshysy bar jabyq Telegram-arna arqyly zańsyz qumar oiyndaryn nasihattaǵan.
Málimet boiynsha, onlain-kazino Qazaqstanda litsenziiasy bar Pin-Up býkmekerlik keńsesiniń ataýyn paidalanǵanymen, paidalanýshylardy rýletka jáne basqa da zańmen tyiym salynǵan qumar oiyndar saittaryna baǵyttap otyrǵan.
Jýrnalistiń aitýynsha, Qaisar Kamza osy jarnamalar úshin qomaqty syiaqy alǵan. Tergeý barysynda onyń kriptovaliýtalyq ámiiandarynan shamamen 200 myń AQSh dollaryna teń qarajat anyqtalǵan.
Bul zańsyz shema áshkerelengennen keiin bloger Ońtústik-Shyǵys Aziiaǵa ketken. Keiin, 2026 jyldyń sáýirinde Qazaqstan Bas prokýratýrasynyń suraýy negizinde Vetnam quqyq qorǵaý organdary ony ustaǵan.
Sondai-aq Mihail Kozachkov Pin-Up isi boiynsha Ýkrainanyń azamattary Dmitri Drýjinsky men Marina Levkovich-Ginzbýrgke de halyqaralyq izdeý jariialanǵanyn jazady. Tergeý málimetinshe, olar Qazaqstandaǵy jumysty uiymdastyrǵan. Al býkmekerlik kompaniia men onlain-kazinonyń túpki benefitsiarlary retinde Resei azamaty Dmitrii Pýnin men Ýkraina azamaty Marina Ilina atalady. Erli-zaiypty qazir Kiprde turady.
Qazirgi ýaqytta Qazaqstannyń resmi organdary Qaisar Kamzanyń elge ekstraditsiialanǵany jóninde resmi aqparat jariialaǵan joq.
