"Halyq qatysatyn búdjet" qalalyq baǵdarlamasyna ótinimderdi qabyldaý 9 qyrkúıekte bastalyp, 25 qyrkúıekke deıin jalǵasty. Barlyǵy budget.open-almaty.kz saıtyna megapolıs turǵyndarynan 6 118 joba kelip tústi.
Usynystardyń sany Naýryzbaı aýdany kósh bastady – turǵyndar 1370 jobany qaraýǵa joldady. Ekinshi orynda Jetisý aýdany – 1199 ótinim berilgen.
Almatylyqtar ótinish bergen negizgi baǵyt – qoǵamdyq oryndarda samaljaılardy, oryndyqtardy, qoqys jáshikterin, balalardyń oınaýy men eresekterdiń demalýyna arnalǵan qurylymdardy ornatý jáne jóndeý boldy. Saıtta 1500-den astam uqsas jobalar bar.
Baǵdarlamanyń kelesi kezeńi – Almaty qalasynyń ár aýdan ákimdigi janynan qurylǵan saraptamalyq keńesterdiń ótinishterdi qaraýy. 8 qazanǵa deıin árbir usynys komısıada qaralady.
Qandaı jobalar qaraýǵa qabyldanbaıdy?
• qurylys-montajdaý jumystaryn júrgizbeı, tek JSQ (jobalyq-smetalyq qujattamany) ázirleýge arnalǵan
• fragmenttelgen (bolashaqta qosymsha elementterdi engizýdi talap etetin)
• Almaty qalasyn damytý baǵdarlamasyna jáne Qazaqstan Respýblıkasynyń zańnamasyna sáıkes kelmeıtin
• komersıalyq sıpattaǵy jáne t.b.
Saraptamalyq keńester men aýdan ákimdikteriniń ókilderi kelip túsken ótinimderdi olardyń "Halyq qatysatyn búdjet" talaptary men ólshemsharttaryna, usynylǵan sanattarǵa sáıkestigin, nobaıy men boljamdy smetasynyń bolýyna qaraı baǵalaıdy.
Qaraýdan keıin árbir ótinim úsh mártebeniń birin alady: "Daýys berýge jiberildi", "Pysyqtaý úshin qaıtaryldy" nemese "Qabyldanbady".
"Halyq qatysatyn búdjettiń" barlyq erejelerine sáıkes rásimdelgen ótinimder maquldanady jáne daýys berý kezeńine jiberiledi.
Pysyqtaý úshin qaıtarylǵan usynystardyń avtorlary aǵymdaǵy jyldyń 9-14 qazan aralyǵynda óz jobalaryn túzetip, ótinimderdi qaıta qaraýǵa jiberý múmkindigine ıe bolady. Avtorlar budget.open-almaty.kz ınternet-portalyna tirkelý kezinde kórsetken elektrondyq poshta meken-jaıyna ótinimdi pysyqtaý qajettiligi týraly habarlama alady.
Daýys berýge jiberilgen jobalar budget.open-almaty.kz ınternet-portalynda jarıalanady.
"Halyq qatysatyn búdjet" boıynsha keńesti nemese aqparatty Almaty qalasynyń aýdandyq ákimdikterinen, sondaı-aq Almaty qalasy ákimdiginiń "Open Almaty" qoǵamdyq qabyldaýynan 224 39 29 (ishki 203) telefony arqyly alýǵa bolady.
