Qazaqstan Respýblikasy Bas prokýratýrasynyń Quqyqtyq statistika jáne arnaiy esepke alý jónindegi komiteti WhatsApp messendjerine baǵyttalǵan jańa kibershabýyl túri paida bolǵanyn málimdedi, dep habarlaidy Dalanews.kz.
Vedomstvonyń Qylmystyq qaýip-qaterler men qoǵamdyq qaýipsizdik táýekelderin boljaý ortalyǵynyń dereginshe, kiberalaiaqtar «GhostPairing» dep atalatyn jańa shema qoldanýda. Bul ádis arqyly qaskóiler parol buzbai-aq, SIM-kartany aýystyrmai-aq paidalanýshynyń WhatsApp akkaýntyna tolyq qol jetkize alady.
Málimetke sáikes, alaiaqtar qosymsha qurylǵylardy bailanystyrý fýnktsiiasyn zańdy jolmen paidalanady. Jábirlenýshige Facebook nemese WhatsApp atynan jalǵan habarlama jiberilip, ol servisterdiń interfeisin qaitalaityn feik-paraqshaǵa baǵyttaidy. Onda telefon nómiri men rastaý kodyn engizý suralady. Kod engizilgen sátten bastap, qylmysker akkaýntqa senimdi qurylǵy retinde qosylyp, habarlamalarǵa, mediafaildarǵa, bailanystar tizimine jáne hat almasýǵa tolyq qol jetkizedi.
Eń qaýiptisi — telefon qalypty jumys istei beredi, sondyqtan paidalanýshy buzylǵanyn birden ańǵarmaýy múmkin. Akkaýnttyń basyp alynǵanyn tek «Bailanystyrylǵan qurylǵylar» bólimin tekserý arqyly ǵana anyqtaýǵa bolady. Belgisiz qurylǵy anyqtalǵan jaǵdaida, ony dereý joiý qajet.
Osyǵan bailanysty Bas prokýratýra azamattardy kiberqaýipsizdik talaptaryn saqtaýǵa shaqyrdy. Atap aitqanda:
-
kúmándi habarlamalar men siltemelerge ótpeý;
-
WhatsApp rastaý kodyn bógde saittarǵa engizbeý;
-
eki faktorly aýtentifikatsiiany qosý;
-
akkaýnt belsendiligin turaqty baqylap otyrý usynylady.
Vedomstvo mamandary saqtyq sharalaryn elemeý jeke derekterdiń taralýyna jáne alaiaqtyqqa ákep soǵýy múmkin ekenin eskertedi.
