Úsh aida shekara ótindegi aýylǵa gaz keldi
Aldaǵy ýaqytta gazǵa qosý jumystary kezeń-kezeńimen jalǵasa beretin bolady. Memleket basshysynyń tapsyrmasy boiynsha Túrkistan oblysynyń ákimdigimen birlesip, «QazTransGaz» AQ-y Qazyǵurt, Saryaǵash jáne Keles aýdandarynyń 19 eldi mekenine gaz jetkizý jumystaryn aiaqtady.
Sharaǵa Túrkistan oblysynyń energetika jáne turǵyn úi-kommýnaldyq sharýashylyq basqarmasynyń basshysy Rýslan Turǵambaev, Saryaǵash aýdanynyń ákimi Muhit Otarshiev pen «Qaztransgaz Aimaq» AQ Túrkistan oblystyq filialynyń direktory Shalqar Omarbekov qatysyp, turǵyndardyń qýanyshymen bólisti. Sóz alǵan aýyl aqsaqaldary alǵystaryn bildirip, aq batasyn berdi.
Tabiǵi gaz jetkizilgen Qyzylseńgir, Tuǵyr, Zańǵar, Qaqpaq, Syrlysai, Baǵys, Shymyrbai, Darbaza, Jańatalap, Tegisshil, Taskesken, Mádeniet, Mádeniet-2, Jylysý, Aqúi, Dastan, Alǵabas, Qurkeles jáne Taskesken-2 eldimekenderine kógildir otyn «Qaqpaq» jáne «Taskesken» avtomatty gaz taratý stantsiialarynan beriletin bolady. Bul aýyldarda 22 myńnan astam adam turady. Gaz qyzmetkerleri turǵyndarǵa qaýipsizdik erejeleri jazylǵan jadynamalar taratýda.
Bul aimaqta jalpy jiyntyǵy 300 shaqyrymnan astam gaz qubyry salyndy. Bul 5000-nan astam otbasyna tabiǵi gazǵa qol jetkizýdi qamtamasyz etýge múmkindik berdi. Iaǵni, 22 myńnan astam turǵyn jáne 250-ge jýyq áleýmettik sala men kásipkerlik nysandary tabiǵi gazǵa qosylady. Gazdandyrý jumystary qarqyn alǵan Qazyǵurt aýdanynda 64 eldi meken bar, onyń ishinde 44 aýyl gazdandyrylǵan, bul 68% quraidy. Saryaǵash aýdanyndaǵy 71 eldi mekenniń 38-i gazdandyrylǵan, bul aýdanda gazdandyrý kórsetkishi 53,5 % - ǵa jetti. Keles aýdanynda gazdandyrý deńgeii 46,9%, iaǵni aýdandaǵy 83 eldimekenniń 39-y gazǵa qosylǵan. Osy eldi mekenderdi gazdandyrý arqyly Túrkistan oblysy boiynsha gazdandyrý deńgeii 66,2 paiyzǵa jetip otyr.
