Ótken aptada ǵana Ýkrainanyń Odessa qalasynda World Goju-ryu Karate Federation (WGKF) uiymdastyrýymen Godziý-riý Karateden Álem Kýbogy ótti.
Bul jarysqa Qazaqstannan ár túrli jas pen ár túrli salmaq dárejesinen 22 sportshy qatysty. Bul jarysqa álemniń ár túkpirinen 18 memlekettiń myńǵa jýyq sportshysy qatysty.
Bizdiń qazaqstandyq karateshiler jalpykomandalyq esepte 14 altyn, 17 kúmis, 15 qola medalmen 3 oryn aldy.
Bizdiń aldymyzdaǵy Ýkraina men Ázirbaijannyń 120 men 90 sportshydan qatystyrǵanyn eskersek, jaman kórsetkish emes.
Jekelegen sportshylarǵa toqtalsaq, balalar arasynda Rysbai Miǵrajaddin, Rysbai Dinmuhamedter jastar arasynda Miras Qaljan, Baqdáýlet Ábekenov, Nurlat Sadyqtar altyn medalge ie bolsa, eresekter arasynda Nuraddin Sadyq, Baqtiiar Nesipbek, Amanjol Esenjol, Nurasyl Dizimovter birinshi oryndy ielenip, Álem Kýbogynyń iegerleri atandy.
Federatsiia basshylyǵynyń aitýynsha, sportshylar josparlaǵan nátijeni artyǵymen oryndaǵan. Alda, keler jyly Japoniianyń Okinava qalasynda IMGKA versiiasy boiynsha ótetin Álem chempionatyna daiyndyqtar kútip tur.
