Úkimet Qazaqstannyń batys jáne soltústik óńirlerindegi aýqymdy sý tasqynyn boldyrmaý jáne onyń saldaryn joiý úshin qajetti kúshter men quraldardy jumyldyrdy.
Búgingi tańda apatty-qutqarý jumystaryna TJM, Qorǵanys ministrligi, IIM, UQK, MKQ, ákimdikter men uiymdardan táýlik boiy 34 myńnan astam adam, 4 myńnan astam tehnika, 890 sorǵy jáne 335 júzý quraly, 19 áýe kemesi tartyldy.
Sý tasqyny bastalǵaly beri Batys Qazaqstan, Atyraý, Aqtóbe, Qostanai jáne Soltústik Qazaqstan oblystaryna Aqmola, Almaty, Qaraǵandy, Pavlodar, Túrkistan jáne basqa oblystardan 1 myńnan astam arnaiy tehnika men jeke quram jiberildi.
Búginde zardap shekken óńirlerge qosymsha 500-den astam arnaiy tehnika jolǵa shyqty. Olar 2 táýlik ishinde jetýge tiis.
Osy oraida jergilikti jerlerde ózender men sý aidyndarynyń janynda ornalasqan eldi mekenderdi qyzyl sýdan qorǵaý boiynsha qajetti jumystar júrgizilip jatqanyn atap ótken jón. Qorǵanys qurylystary men bógetter salynyp, erigen qar sýyn shyǵarý qolǵa alynyp, inertti material toltyrylǵan qapshyqtar tóselýde.
Aerovizýaldy tekserý men drondardyń kómegimen ózenderdegi jáne sý qoimalaryndaǵy jaǵdaiǵa táýlik boiy monitoring júrgizilýde.
