Cyilyq Springer kompaniiasynyń bedeldi ǵylymi jýrnaldaryna maqala jariialap, joǵary siltemelik kórsetkishke ie bolǵan ǵalymdarǵa berildi.
«UǴTAO» AQ-y men Springer kompaniiasy aldaǵy ýaqytta bul syilyqty Ortalyq Aziianyń jetekshi ǵalymdaryna berip turýǵa ýaǵdalasty. Óz kezeginde sóz alǵan «UǴTAO» AQ-y prezidenti Ádil Ybyraev bul syilyq Kindik Aziiadaǵy ǵalymdardyń belsendi jumys istep, aimaqtaǵy ǵylymnyń damýyna úles qosatynyn alǵa tartty.
[caption id="attachment_10987" align="aligncenter" width="1200"]
Saltanatty shara barysynda Qazaqstan, Qyrǵyzstan jáne Tájikstannyń ǵalymdary qatysyp, arnaiy marapatqa ie boldy. Jiyn barysynda ǵylymi aqparat taratatyn iri kompaniialardyń Qazaqstanmen tyǵyz qarym-qatynas ornatyp, jan-jaqty jumys istep jatqanyn alǵa tartty. Sonymen alǵash ret uiymdastyrylyp otyrǵan «Top Springer Author» syilyǵyna biyl Qazaqstannan L.Gýmilev atyndaǵy Eýraziia Ulttyq ýniversitetiniń «Jalpy jáne teoriialyq fizika» kafedrasynyń jetekshisi, fizika-matematika ǵylymdarynyń doktory, akademik Rátbai Myrzaqulov, Organikalyq sintez jáne kómir himiiasy institýtynyń jetekshi ǵylymi qyzmetkerleri zerthana meńgerýshisi, himiia ǵylymdarynyń doktory, professor Orazaly Nurkenov pen himiia ǵylymdarynyń kandidaty Serik Fazylov, Qazaq-Britan tehnikalyq ýniversitetiniń professory Ánýarbek Meiramov, Iadrolyq fizika institýtynyń zerthana meńgerýshisi, fizika-himiia ǵylymdarynyń doktory Iýrii Tóleshev ie bolsa, Qyrǵyzstannan «Geopribor» ǵylymi-injenerlik ortalyǵynyń direktory Isakbek Torgoev, Qyrǵyzstan Ǵylym akademiiasynyń Seismologiia institýtynyń direktory Qanabek Abrahmatov jáne geologiia-mineralogiia ǵylymdarynyń doktory Vladislav Batalev «Top Springer Author» syilyǵan qanjyǵalaryna bailap qaitty. Al Tájikstannan kelgen Matematika institýtynyń bólim meńgerýshisi Mirgand Shabozov ózine tiesili syilyǵyn eline alyp qaitty.
Jiyn barysynda sóz alǵan «Ulttyq ǵylymi-tehnikalyq aqparat ortalyǵy» AQ-y prezidenti Ádil Ybyraev Ortalyq Aziia aýmaǵyndaǵy memleketter ǵalymdarynyń basyn qosyp, ortaq maqsatqa baǵyttaityn basqosý qajet ekenin alǵa tartty.
[caption id="attachment_10988" align="alignleft" width="350"]
– Qazirgi tańda dúniejúzinde kez kelgen sala yntymaqtastyp, damýdyń dańǵyl jolyna túsip jatyr. Osy rette ǵylym salasy da yntymaqtastyq aiasyn keńeitip, alǵa qadam basýy kerek dep esepteimin. Ortalyq Aziia elderin alyp qarasaq bul baǵytta Qazaqstandaǵy ahýal kósh ilgeri ekenin baiqaýǵa bolady. Memleket basshysy Nursultan Nazarbaevtyń qoldaýynyń arqasynda qazaq ǵalymdary birneshe jyldardan beri Springer, Thomson Reuters, Elsevier syndy sheteldiń tanymal ǵylymi málimetter qoryn erkin paidalanyp kele jatqanyn úlken maqtanyshpen atap aitýǵa bolady. Osyndai memlekettiń qoldaýynyń arqasynda qazaq ǵalymdary dúniejúzindegi bedeldi ǵylymi jýrnaldarǵa ǵylymi maqalalar jariialap, joǵary siltemelik kórsetkishterge ie bolýda. Osy rette bizder Springer kompaniiasymen birlesip, Springer ǵylymi málimetter qoryndaǵy ǵylymi jýrnaldarǵa kóptegen maqala jariialap, joǵary siltemelik kórsetkishterge ie bolǵan Ortalyq Aziiadaǵy ǵylymdardyń qoldaý maqsatynda «Top Springer Author» syilyǵyn taǵaiyndaýdy jón dep sheshtik. Keńes zamanynda Ortalyq Aziia ǵalymdary jii bas qosyp, bir-birimen tyǵyz bailanysta jumys istedi. Keiin ár memleket óziniń táýelsizdigine ie bolǵannan keiin ǵylymi bailanystarymyz báseńsip qalǵany jasyryn emes. Osy rette bizder sol bailanysty qaita jandandyryp, Kindik Aziiadaǵy ǵylymnyń qaita jandanýyna múddelimiz. Keńes zamanynda ǵalymdardyń eńbegin Kommýnistik partiia basshylary baǵalap, óz syilyqtaryn tabystaýshy edi. Al qazir jaǵdai múlde ózgergen. Búginde ǵylymdardyń tiimdi jumys istep jatqanyn ǵylymi eńbekterin beldeldi ǵylymi jýrnaldarda jariialap, joǵary siltemege ie bolýymen ólshenedi. Óz basym muny ǵalymdardyń eńbegin baǵalaýdaǵy mańyzdy tásil dep esepteimin. Sondyqtan búgin bizder Springer kompaniiasynyń ǵylymi jýrnaldaryna kóp maqala jariialap, joǵary siltemelik kórsetkishke ie bolǵan ǵalymdardy marapattaýdy jón dep sheshtik, – dedi «UǴTAO» AQ prezidenti Á.Ybyraev. Budan keiin sóz alǵan Springer kompaniiasynyń memlekettik jáne akademiialyq sektordy damytý direktory Anjela Timmerman hanym is-sharanyń máni men mazmunyna toqtaldy.
[caption id="attachment_10989" align="alignleft" width="323"]
– «Top Springer Author» syilyǵy Ulttyq ǵylymi-tehnikalyq aqparat ortalyǵy men Springer kompaniiasynyń arasyndaǵy ulttyq jazylymnyń aiasynda taǵaiyndalyp otyr. Óz basym bul syilyq aldaǵy ýaqytta Ortalyq Aziiadaǵy ǵylymdy damytýdaǵy mańyzdy syilyqtardyń birine ainalatynyna senimdimin. Qazirgi ýaqytta Springer kompaniiasy dúniejúzindegi ǵylymnyń jan-jaqty damýyna barynsha jaǵdai jasap keledi. Aldaǵy ýaqytta Qazaqstan men Ortalyq Aziiada ǵylymnyń gúldengenin qalaimyz. Qazirgi tańda Qazaqstan bul baǵytta kóshbasshylyq qyzmetin atqarýda. Ǵylymi yntymaqtastyqtyń qarqynda damyp kele jatqanyn Qazaqstan men Ortalyq Aziia elderiniń ǵalymdary bedeldi ǵylymi jýrnaldarǵa mańyzdy ǵylymi eńbekterin jariialai bastaǵanynan anyq ańǵarýǵa bolady. Osy rette bizder Qazaqstan ǵalymdarynyń ǵylymi maqala jariialaý belsendiligin arttyryp, ǵylymi qyzmetkerlerdiń qyzyǵýshylyǵyn oiatý maqsatynda arnaiy seminarlar uiymdastyratyn bolamyz. Sondai-aq, bul baǵyttaǵy jumystyń jandanýyna «Top Springer Author» syilyǵy óz yqpalyn tigizetine senimdimin, – dedi Anjela Timmerman hanym.
Qazaq ǵalymdary arasynda sóz alǵan Rátbai Myrzaqulov sońǵy birneshe jylda álemniń bedeldi ǵylymi jýrnaldaryna 150-den astam ǵylymi maqala jariialap, kóptegen jumys atqarǵanyn alǵa tartty.
[caption id="attachment_10990" align="alignright" width="298"]
– Ǵalymdardy yntalandyrý maqsatynda taǵaiyndalǵan «Top Springer Author» syilyǵynyń keleshegi zor dep esepteimin. Osydan birneshe jyl buryn Astanada teoriialyq fizika ortalyǵyn qurý úshin L.Gýmilev atyndaǵy Eýraziia Ulttyq ýniversitetine aýysqan edim. Búginde Elbasy Nursultan Nazarbaetyń ǵylymǵa jasaǵan qamqorlyǵynyń arqasynda oiǵa alǵan isimdi tolyǵymen iske asyrdym. Búginde elimizdegi ǵylymi yntymaqtastyqtyń kókjiegin keńeitip kele jatqan «UǴTAO» AQ-y prezidenti Ádil Júnisuly men ortalyq qyzmetkerlerine alǵys aitamyn. Óz basym sońǵy ýaqyttary sheteldiń bedeldi ǵylymi jýrnaldaryna 150 maqala jariialadym, sonyń 50-ge jýyǵy Springer-diń ǵylymi jýrnaldaryna jaryq kórdi. Osy rette Qazaqstandaǵy ǵylymdy damytýǵa úles qosyp júrgen Springer kompaniiasyna tabys tileimin. Bul syilyq qazaq ǵalymdarynyń belsendi jumys isteýine yqpal etip, elimizdiń aty álemge tanylatyny anyq, – dedi maitalman ǵalym. Budan keiin Qyrǵyzstan men Tájikstannan kelgen ǵalymdar minbegi shyǵyp sóz sóilep, Qazaqstanda memlekettiń ǵylymǵa jasap otyrǵan qamqorlyǵyna qyzyǵatyndaryn jetkizdi.
[caption id="attachment_10991" align="aligncenter" width="776"]
[caption id="attachment_10992" align="aligncenter" width="945"]
Nurlan Jumahan, «UǴTAO» AQ Qoǵammen bailanys bólimi.
