Ýáde berdi
«Qyzymnyń basyndaǵy oramaly sheshiledi. Biz zańǵa, úkimetke baǵynamyz. Qyzdarymnyń basy bittep ketti. Bastaryn qasi bergennen keiin alyp tastadyq. Ol keshe oqý jylynyń basynda bolǵan jaǵdai emes. Jaz kezinde balalardyń shashyn aldyrttym. Oramal dep aita berýdiń keregi joq.
Barlyq másele bir japyraq oramalda tursa, búgin-aq sheship tastaimyz», — deidi Marat Sádýov.
№60 mektepte ótken jiynda balalardyń ákesi qyzdarynyń basynda eshqandai jara bolmaǵanyn jetkizdi. Aitýynsha, bit dep aitýǵa uialǵannan jara deýge týra kelgen.
«Qyzdardyń basynda jara joq. Tek bittep ketken bolatyn. Nege oǵan tirelip otyrsyzdar? Qajet deseńizder tórteýin de qazir ákelip oramaldaryn osy jerde sheshkizemin», — dedi Marat Sádýov.
Mektep direktory ashýǵa berilgen balalardyń ákesin sabyrǵa shaqyrdy. Qatarlastarynyń aldynda balalardyń qysylyp qalmaýyn eskertip 1-qańtarǵa deiin oramalmen kelýge ruqsat berdi.
