Buǵan deıin Ankara ústinde áskerı ushaqtar men tikushaqtar paıda bolyp, atys dybystary estilgeni habarlanǵan edi.
Túrkıanyń Bas shtaby prezıdenttiń bılikten taıdyrylyp, eldi basqarýdy qolǵa alǵandaryn málimdedi. Áskerıler bılik qalpynda qalyp, barlyq halyqaralyq baılanystar saqtalatyndyǵyna sendirdi, dep habarlaıdy Telegraph.
Ankara jáne Ystambul prokýrorlary tóńkeris jasaýǵa qatysy bar áskerılerge qatysty tergeýdi bastady, bul týraly eldiń ádilet mınıstri Bekır Bozdag málimdedi.
Sonymen birge Túrkıa prezıdenti Rejep Taıyp Erdoǵan qaýipsiz jerde, keıin málimdeme jasaıdy, dep habarlady Reuters agenttigi.
Telegraph-tyń habarlaýynsha, Bosfor buǵazynyń ústinen ótetin eki kópirdi túrik polısıasynyń qaýipsizdikke jaýap beretin bólimi - jandarmerıa jaýyp tastady, Atatúrik atyndaǵy áýejaı da jabyldy, onda tankiler jiberildi.
Túrkıanyń memlekettik telearnasy tóńkeris kezinde habar taratýyn toqtatty, áleýmettik jeliler shekteldi. Alaıda birqatar vıdeolar men sýretter álemge taralyp ketti.
Ystambul qalasyndaǵy QR Bas konsýldyǵynyń kezekshi komendanty QazAqparatqa telefon arqyly, konsýldyqtyń barlyq jaýapty qyzmetkerleri jaǵdaıdy jiti baǵalaý úshin qalada júrgendigin habarlady. Túrkıadaǵy jaǵdaı jáne ondaǵy elimizdiń azamattary jóninde bilý úshin QazAqparat Ankaradaǵy Qazaqstan Elshiligine habarlasýǵa áreket etti, alaıda qońyraý shalý múmkin bolmady.
https://www.youtube.com/watch?v=Xyhemz3Az4c
Qazaqparat
