Oblys ákimi Ómirzaq Shókeev Maqtaaral men Jetisaı aýdandaryna jumys saparymen baryp, aýyl sharýashylyǵy salasynda qolǵa alynǵan tyń jobalarmen tanysyp, dıqandarmen kezdesip, usynystaryn tyńdady. Óńirde ártaraptandyrý nátıjesinde mal azyqtyq daqyldardyń kólemi 2,6 myń gektarǵa artyp 215,4 myń gektarǵa, baqsha daqyldary 8,9 myń gektarǵa artyp 70,6 myń gektarǵa ornalastyryldy.
Sáıkesinshe, maqtanyń egis kólemi 16,2 myń gektarǵa kemip 109,7 myń gektarǵa egildi. (Maqtaralda – 35,6 myń ga, Jetisaı– 44 myń ga.) Sondaı-aq dándi daqyldar 300 myń gektar, maıly daqyldar 85 myń gektar, kókónis 43 myń gektar, kartop 15 myń gektar, ıaǵnı, ótken jyldyń kóleminde egildi. Oblystaǵy 238 myń ga egilgen astyqtan gektar túsimdiligi 10 sentnerden 238,3 myń tonna dán qambaǵa quıyldy. 46,1 myń ga egilgen dándik júgeriniń gektar túsimdiligi 57 sentnerdi qurap 118 myń tonna ónim jınaldy. 83,5 myń ga egilgen maqsary daqylynan 5,3 sentnerden 36,4 myń tonna ónim jınaldy. Jınaý jumystary jalǵasýda.
Eńbek ónimdiligin eselep arttyrý baǵytynda oblystyń klımattyq ereksheligin paıdalana otyryp, «Bir alqaptan jylyna 2-3 ónim alý» jobasy iske asyrylýda. Bıyl 9 myńǵa jýyq gektarda 2 myńǵa jýyq joba júzege asyrylýda. Búginde birinshi ónimnen 160 myń tonnadan astam kókónis ónimi jınalyp, 60 myń tonnadan astam ekinshi ónim jınaldy.
Jylyjaılar 90 gektardan astam alqapqa salynyp, jalpy kólemi 1 424,6 gektardy qurady. Búgingi kúnge, jylyjaılarda qıar, qyzanaq, burysh sekildi jalpy 145 myń tonnadan astam ónim óndirildi. Bıyl egilgen egis kólemnen 25,2 sentnerden 276,1 myń tonna shıtti maqta jınaý josparlanýda. Aq altynnyń 90 paıyzy tehnıkanyń kómegimen jınalady. Búgingi kúnge josparlanǵan egis kóleminiń 590 gektary terilip, 21 sentnerden 1,3 myń tonna ónim jınaldy.
Oblys ákimi jumys sapary barysynda Atakent kentindegi №14 kolejiniń jumysymen tanysyp, ózekti máselelerdi talqylady. Bilim ordasynda kópshilik nazaryna stýdentterdiń qolymen jasalǵan temir eńbek quraldary men temirden soǵylǵan jıhazdar men buıymdar qoıylǵan.
