Túrkistandyq kásipkerler «Ashyq» qosymshasy arqyly jumys ýaqytyn uzartty
Mundai jumys rejimine «Ashyq» qosymshasy júiesine engizilgen kásipkerlik nysandary ǵana ótedi. Bul týraly búgin Óńirlik kommýnikatsiialar qyzmetinde ótken brifingte oblystyń bas sanitariialyq dárigeri N.Nyshanov málimdedi.
– Virýstyń taralý qaýpin azaitý men karantindik sharalar kezinde kásipkerlerdiń qyzmetin jalǵastyrýǵa múmkindik beretin «Ashyq» jobasy sáýirdiń 26-nan bastap, elimizdegi barlyq óńirlerde júzege asyryla bastady. Joba – kásipkerlik nysandardyń jumysyn jandandyrýǵa múmkindik bermek, – dedi N.Nyshanov.
Óz kezeginde oblystyq kásipkerler palatasynyń direktory T.Naqypbekov jobanyń qalai júzege asatynyn baiandady.
«Kez-kelgen azamat «Ashyq» mobildi qosymshasyn «App Store» jáne «Play Market»-ten telefonyna júktep alýy kerek. Qosymshaǵa JSN nómiri arqyly qosylyp, ózi barǵan mekemedegi arnaiy QR-kodty skanerleidi. Nátijesinde onyń jasyl, kók, sary nemese qyzyl túster arqyly klienttiń mártebesi kórsetiledi.
Qyzyl tús – qoǵamdyq orynda bolýyn shektep, oqshaýlaýdyń qatań rejimin saqtaýdy, sary – patsient úide oqshaýlaný rejimin saqtai otyryp, úiinen 500 metr jerden aspaityn azyq-túlik jáne apparattyq dúkenderge, dárihanalarǵa barýǵa ruqsat etiletinin bildiredi.
Al, kók – PTR test mindetti bolatyn jerlerden basqa oryndarda shekteýler bolmaidy. Jasyl – eshqandai shekteýler joq ekenin bildiredi jáne bul paidalanýshy derekqorda «Covid-19» teris nátijesi bar PTR-testileýden ótken adam retinde kórsetiledi», – dedi T.Naqypbekov.
Kásipkerler QR kod alý úshin ótinimdi www.infokazakhstan.kz saity arqyly beredi. Kinoteatrlar, qoǵamdyq tamaqtaný oryndary, qosymsha bilim berý uiymdary ótinimderdi salalyq qaýymdastyq arqyly beredi. QR-kod tek biznes sýbektilerine beriledi.
Sondai-aq, brifing barysynda oblystyq Qoǵamdyq densaýlyq basqarmasynyń basshysy Marat Pashimov óńirdegi ekpe egý jumystary jóninde baiandady. Onyń sózinshe, vaktsina saldyrý boiynsha Túrkistan oblysy kósh bastap tur.
– Oblysqa aqpan aiynan bastap «Spýtnik V» vaktsinasynyń 141 700 dozasy jetkizilgen. Búgingi kúnge deiin – 140 565 adam 1-shi komponentpen vaktsina qabyldady. Al, otandyq «QazVac» vaktsinatsiiasy myńǵa jýyq adamǵa egilgen. Aldaǵy ýaqytta «Spýtnik-V» 185 myń doza jáne «QazVac» otandyq vaktsinasynan 752 myń doza qamtamasyz etý josparlanyp otyr, – dedi M.Pashimov.
