Qazyǵurt aýdanynyń 5 eldi mekeni (Qyzylseńgir – 267 úi, tuǵyrtas – 32 úi, qaqpaq– 868 úi, Zańǵar – 166 úi, Syrlysai – 98 úi), Saryaǵash aýdanynyń 1 eldi mekeni (Baǵys-292 úi) tabiǵi gazǵa qosyldy. Jalpy 1723 turǵyn úidi qamtý múmkin boldy.
Myńdaǵan otbasy kógildir otynǵa qosylýǵa múmkindik aldy. Iaǵni, jiyrma myńnan astam adam endi tabiǵi gazdy paidalana alady.
Búgingi tańda Túrkistan oblysynyń ákimdigi Qazyǵurt aýdanynyń ákimdigimen jáne «IntergazTsentralnaiaAziia» AQ-men birlesip «Shymkent» MGQB «Taskesken» AGTS iske qosyldy, Taskesken, Tegisshil 2 eldi mekeni tabiǵi gazǵa qosyldy. Saryaǵash aýdanynyń 11 eldi mekeni (Alǵabas, Darbaza, Mádeniet, Mádeniet-2, Shymyrbai, Qurkeles, Jańatalap, Jylysý, Aqúi, Dastan,Taskesken-2), Keles aýdanynyń 6 eldi mekeni (Eńbekshi-1, Eńbekshi-2, Dmitrov, Amangeldi, Jolbasshy, Keregetas) kezeń-kezeńimen tabiǵi gazǵa qosylatyn bolady.
Oblys boiynsha 14,2 mlrd teńge qarjyǵa 89 nysannyń qurylysy josparlanýda. Onyń ishinde biyl 24 nysandy aiaqtaý josparlanyp otyr. Oblys ákimdigi «Túrkistan oblysyn gazdandyrý jónindegi is-sharalar josparyn» bekitti. Josparǵa sáikes, 2026 jylǵa deiin oblystyń eldi mekenderin 100% gazben qamtamasyz etý josparlanǵan.
