Túrkistan oblysy, Qazyǵurt aýdanynyń turǵyndaryn tabıǵı gazben qamtamasyz etý maqsatynda 2013 jyly «Qaqpaq» avtomattandyrylǵan gaz taratý stansıasy (budan ári-AGTS) paıdalanýǵa berildi. Alaıda, búgingi kúnge deıin AGTS túrli sebeptermen iske qosylmaǵan. Túrkistan oblysy ákimdigi Qazyǵurt aýdanynyń ákimdigimen jáne «Intergaz Sentralnaıa Azıa» AQ-men birlesip «Shymkent» MGQB «Qaqpaq» AGTS- in iske qosty, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Qazyǵurt aýdanynyń 5 eldi mekeni (Qyzylseńgir – 267 úı, tuǵyrtas – 32 úı, qaqpaq– 868 úı, Zańǵar – 166 úı, Syrlysaı – 98 úı), Saryaǵash aýdanynyń 1 eldi mekeni (Baǵys-292 úı) tabıǵı gazǵa qosyldy. Jalpy 1723 turǵyn úıdi qamtý múmkin boldy.

Myńdaǵan otbasy kógildir otynǵa qosylýǵa múmkindik aldy. Iaǵnı, jıyrma myńnan astam adam endi tabıǵı gazdy paıdalana alady.



Búgingi tańda Túrkistan oblysynyń ákimdigi Qazyǵurt aýdanynyń ákimdigimen jáne «IntergazSentralnaıaAzıa» AQ-men birlesip «Shymkent» MGQB «Taskesken» AGTS iske qosyldy, Taskesken, Tegisshil 2 eldi mekeni tabıǵı gazǵa qosyldy. Saryaǵash aýdanynyń 11 eldi mekeni (Alǵabas, Darbaza, Mádenıet, Mádenıet-2, Shymyrbaı, Qurkeles, Jańatalap, Jylysý, Aqúı, Dastan,Taskesken-2), Keles aýdanynyń 6 eldi mekeni (Eńbekshi-1, Eńbekshi-2, Dmıtrov, Amangeldi, Jolbasshy, Keregetas) kezeń-kezeńimen tabıǵı gazǵa qosylatyn bolady.

Oblys boıynsha 14,2 mlrd teńge qarjyǵa 89 nysannyń qurylysy josparlanýda. Onyń ishinde bıyl 24 nysandy aıaqtaý josparlanyp otyr. Oblys ákimdigi «Túrkistan oblysyn gazdandyrý jónindegi is-sharalar josparyn» bekitti. Josparǵa sáıkes, 2026 jylǵa deıin oblystyń eldi mekenderin 100% gazben qamtamasyz etý josparlanǵan.