Oblys jáne qala óndirýshilerin nasihattaý maqsatynda ótken jármeńkede óńirde óndiriletin tamaq, farmatsevtika, mashina jasaý, himiia, jeńil jáne qurylys ónerkásipteriniń júzdegen taýarlary usynyldy.
Otandyq taýar óndirýshilerdiń ónimderimen tanysqan oblys ákimi J.Túimebaev Qazaqstan – Dúniejúzilik Saýda uiymyna, Eýraziialyq ekonomikalyq odaǵyna, Shanhai Yntymaqtastyq Uiymyna múshe bolyp tabylatynyn aityp, óńir kásiporyndary halyqaralyq jáne ekologiialyq standarttar talaptaryna sai keletin ónimder shyǵarýy qajet ekenin atap ótti. Is-sharanyń barysynda oblys jáne qala ákimderi «Ordabasy qus» JShS-gi men «Karlskrona LC AB» JShS-ne ónim jáne kyzmet kórsetý salasyndaǵy jetistigi úshin TMD syilyǵyn tabystady.
Ónimniń sapasy men básekege qabilettiligi kriteriilerimen baǵalaityn táýelsiz sarapshylar úsh nominatsiia boiynsha qatysýshylardy irikteidi. Atap aitqanda «Halyq tutynatyn úzdik taýarlar», «Óndiristik maqsattaǵy úzdik taýarlar» jáne «Úzdik azyq-túlik taýarlary».
Sonymen qatar, kórmede aimaqtyq nominatsiialarmen eń úzdik kompaniialar tańdalynady: «Halyq tańdaýy», «Jyl serpini», «Jyl brendi», «Áleýmettik mańyzy bar startap», «Úzdik áleýmettik joba», «Úzdik etnoóndirýshi», «Tabiǵi ónim óndirýshi» «Innovatsiialyq joba», «Jas óndirýshi», «Úzdi taýarlyq qaptama», «Úzdik eńbek jaǵdailary» jáne «Eń úzdik áiel-jumys berýshi», «Qyzmet kórsetý salasyndaǵy úzdik joba», «Biznes-výmen-innovator» nominatsiialary boiynsha da áielder biznesine qoldaý kórsetiletin bolady.
Jeńimpazdar Astana qalasynda ótetin «Qazaqstannyń úzdik taýary» respýblikalyq baiqaý-kórmesine qatysýǵa joldama alady.
