Respýblika boiynsha ótkizilip jatqan «Taza Qazaqstan» ekologiialyq aktsiiasynyń tórtinshi «Ónegeli urpaq» aptalyǵynda Túrkistan oblysynyń barlyq aýdan-qalalarynda senbilikter ótip jatyr, dep habarlaidy Dalanews.kz Túrkistan oblysynyń Óńirlik kommýnikatsiialar qyzmetine silteme jasap.
Sharada jastar men erikti azamattar ardagerler men jalǵyzbasty qariialardyń úi aýlalarynda tazalyq ári abattandyrý jumystaryn atqarýda. Atap aitqanda, shóp orý, jer aýdarý, aǵash butalaý, úidiń qasbeti men qorshaýlardy syrlaý, qoqystan tazartý jumystary.
Máselen, búgin Qazyǵurt aýdany Qaqpaq aýyldyq okrýginiń erikti jastary tyl ardageri Bisebai Aǵabekovtyń úiine arnaiy bardy. Onda belsendi jastar úi aýlasyndaǵy aryq-atyzdardy tazalap, aǵashtardyń túbin qopsytty. Sondai-aq, aýla aýmaǵyn kúl-qoqystan tazartty. Ardager aqsaqal jastarǵa rizashylyǵyn bildirip, aq batasyn berdi.
Eske sala ketsek, elimiz boiynsha ekoaktsiia aiasynda 27 sáýirden 4 mamyrǵa deiin - «Ónegeli urpaq», al 4-11 mamyr aralyǵy – «Móldir bulaq» aptalyǵy ótedi.
