Qasıetti Ramazan aıynda Túrkistan oblysy,  Saryaǵash aýdanynda ıgi is atqaryldy. «30 izgi is» aksıasy aıasynda Túrkistan oblystyq máslıhatynyń depýtaty, «Nur Otan» partıasynyń múshesi Jomart Ábdibaev Saryaǵash aýdany aýmaǵyndaǵy múmkindigi shekteýli músheleri bar, jalǵyzbasty, kópbalaly jáne turmysy tómen 100 otbasyna azyq-túlik sebetterin úlestirdi, – dep habarlaıdy Dalanews.kz «Nur Otan»  partıasy Túrkistan oblystyq fılıalynyń baspasóz qyzmetine silteme jasap.

Búginde el Táýelsizdiginiń 30 jyldyǵyna oraı «30 ıgi is» aksıasy qarqyndy júrgizilýde. Túrkistan oblystyq máslıhatynyń depýtaty Erlan Nurmahanovtyń demeýshiligimen  Báıdibek aýdany,  Jolǵabas eldi mekenindegi  70 otbasyna azyq-túlik sebetteri úlestirildi.

«Nur Otan» partıasynyń aýdan, qalalardaǵy fraksıasynyń músheleri de ıgi isti belsendi atqaryp jatyr. Qadir túni qarsańynda Túrkistan qalalyq máslıhatynyń depýtaty Ǵappar Amantaıuly óz otbasynyń atynan oblys ortalyǵyndaǵy áleýmettik jaǵdaıy tómen 50 otbasyna azyq-túlik taratty. Bul – Sarsenbaevtar otbasynyń jyl saıyn jasaıtyn qaıyrymdy isi.

Arys qalalyq máslıhatynyń depýtaty Qaırat Ahmetov áleýmettik jaǵdaıy tómen 20 otbasyna qajetti azyq-túlik pen turmysqa qajetti zattar tabystady. Saıram aýdanynda «Aqsýkent» bastaýysh partıa uıymynyń úılestirýimen, aýdandyq máslıhat depýtattarynyń qoldaýymen 15 otbasyna azyq-túlik sebetteri tapsyryldy, – dedi partıa belsendileri.

Jetisaı aýdandyq ishki saıasat bóliminiń «Jastar resýrstyq ortalyǵy» KMM basshysy Nurlybek Mýtaev pen Jetisaı aýdandyq máslıhaty apparatynyń basshysy Baqbergen Absenovtiń uıymdastyrýymen qaıyrymdylyq is-sharasy ótti. Oǵan Jetisaı aýdandyq máslıhatynyń hatshysy Álıhan Ýtanov bastaǵan aýdandyq máslıhattaǵy «Nur Otan»  fraksıasynyń músheleri – Rýstem Namatýllaev, Jumaǵalı Tórekul, Aıbek Sultanmurat, Qaharbaı Isaev, Alladın Myrzahanov pen Berik Baıymbetovter atsalysty.

Nátıjesinde Atameken, Jyly sý, Qyzylqum aýyldyq okrýgterimen qatar Asyqata kenti men Jetisaı qalasyndaǵy az qamtamasyz etilgen, kópbalaly jáne múmkindigi shekteýli jandary bar 50-ge tarta otbasyna azyq-túlik sebetteri tartý etildi.