Búgingi bas qosý túbi bir túrkitildes elderdiń ózara yntymaqtastyq, dostyq qarym-qatynasyn nyǵaityp, baýyrlas elderdiń aqyn-jazýshylarynyń shyǵarmashylyq bailanysyn damytý maqsatynda uiymdastyryldy. Kezdesýde jazýshylar túrkitildes elderdiń, onyń ishinde qazaq ádebietin nasihattaý jaiy men keshegi Elbasymyzdyń «Bolashaqqa baǵdar: rýhani jańǵyrý» maqalasy aiasynda pikir almasty.
Jiynda sóz alǵan oblys ákimi Janseiit Túimebaev Memleket basshysynyń «Bolashaqqa baǵdar: rýhani jańǵyrý» atty airyqsha, baǵdarlamalyq maqalasynyń mańyzdylyǵyna toqtalyp, aldaǵy ortaq maqsat-mindetterdi sóz etti.
«Jalaýyn joǵary ustap, namysyn eshkimge taptatpaǵan ejelgi túrik halyqtarynyń búgingi urpaqtary bir-birimen rýhani týystyq qarym-qatynasy árqashan da joǵary bola beredi. Sizderge túrki elderiniń salt-dástúrlerin, rýhani mádenietin damytý jolynda atqaryp jatqan eńbekterińiz úshin alǵysym sheksiz!», - dedi ákim.
Basqosýda TÚRKSOI uiymynyń Bas hatshysy Dúisen Qaseiinov jazýshy, Qyrǵyz Respýblikasy mádenietine eńbegi sińgen qairatker Kalen Sydyqov, jazýshy, Ázirbaijan respýblikasynyń qalamgeri Zahid Halilovtar shyǵarmashylyq bailanystardy nyǵaita túsý máselesin kóterdi.
Atalǵan shara aiasynda Túrkitildes elderdiń ádebietin, mádenietin nasihattaý maqsatynda Túrkistandaǵy OQO Tarihi mádeni etnografiialyq ortalyǵynda «Túrki álemi: ádebi – mádeni dástúr» atty túrkitildes elder qalamgerleri shyǵarmalarynyń kitap kórmesi ashyldy.
Shara sońynda oblys ákimi birqatar ziialy qaýym ókiline oblystyń 85 jyldyǵyna orai Alǵys hat tabys etip, iyqtaryna shapan japty. Odan bólek, jazýshy Erkinbek Turysov, Zákir Asabaev bastaǵan 10 aqyn-jazýshyǵa TÚRKSOI uiymynyń madaldary men Qurmet gramotalary tabys etildi.
OQO ákiminiń baspasóz qyzmeti
