Qazaqstan sońǵy jyldary týrizm salasyn ekonomikanyń mańyzdy draiverleriniń birine ainaldyrýǵa erekshe kóńil bólip keledi. Tabiǵaty kórkem óńirler, bai tarihi-mádeni mura, ulttyq dástúrler men biregei gastronomiia elimizdiń týristik áleýetin arttyratyn negizgi faktorlar sanalady. Degenmen salanyń básekege qabilettiligin kúsheitý úshin jańa bastamalar men júieli jumystar qajet.
Qazaqstan týristik qaýymdastyǵynyń direktory Rashida Shaikenovanyń aitýynsha, aldaǵy bes jylda týristik tartymdylyqty arttyrýda oqiǵalyq týrizmge erekshe nazar aýdarylýy tiis, dep habarlaidy dalanews.kz.
– Sońǵy eki-úsh jyldyń tájiribesi oqiǵalyq týrizmniń Qazaqstannyń týristik tartymdylyǵyn arttyrýdaǵy negizgi baǵyttardyń biri ekenin kórsetti. Sondyqtan halyqaralyq jáne respýblikalyq deńgeidegi mádeni, sporttyq jáne iskerlik is-sharalardy kóbeitý mańyzdy. Mundai jobalar sheteldik qonaqtardyń qyzyǵýshylyǵyn arttyryp qana qoimai, óńirlerdiń tanymal bolýyna da yqpal etedi, – deidi maman.
Sarapshynyń pikirinshe, týrizmniń tabysty damýy eń aldymen kólik qoljetimdiligi men servistiń sapasyna bailanysty. Osyǵan bailanysty jol-kólik infraqurylymyn jetildirý, áýe baǵyttarynyń sanyn kóbeitý jáne týristerdi ornalastyrý oryndarynyń jelisin keńeitý mańyzdy mindetterdiń qatarynda.
Búginde saiahatshylar úshin demalys ornynyń tartymdylyǵy tek tabiǵatymen ǵana emes, kórsetiletin qyzmet sapasymen de ólshenedi. Sondyqtan qonaqúilerdiń, demalys oryndarynyń jáne týristik nysandardyń qyzmet kórsetý deńgeiin arttyrý salanyń básekege qabilettiligin kúsheitedi.
Týrizm indýstriiasyndaǵy taǵy bir mańyzdy baǵyt – tsifrlandyrý. Zamanaýi tehnologiialar týristik ónimderdi halyqaralyq naryqta tiimdi ilgeriletýge múmkindik beredi. Onlain brondaý júieleri, tsifrlyq gidter, mobildi qosymshalar men jasandy intellekt negizindegi servister týristerdiń saparyn anaǵurlym yńǵaily etedi.
– Týrizmdi tsifrlandyrý jańa naryqtarǵa shyǵýǵa jáne sheteldik týristerdi tartýǵa jol ashady. Búginde álemdik týrizm indýstriiasy tsifrlyq sheshimderge súienedi. Sondyqtan bul baǵyttaǵy jumystardy kúsheitý qajet, – deidi Rashida Shaikenova.
Sarapshy ulttyq ashana men gastronomiialyq týrizmdi damytýdyń da mańyzdylyǵyna toqtaldy. Onyń aitýynsha, týristerdi tabiǵat pen kórikti jerler ǵana emes, jergilikti halyqtyń mádenieti men turmys-tirshiligi de qyzyqtyrady.
Qazaqtyń dástúrli taǵamdary, óńirlik as máziri jáne ulttyq qonaqjailyq mádenieti elimizdiń týristik brendine ainalýy múmkin. Bul baǵytta gastronomiialyq festivalder uiymdastyryp, ulttyq taǵamdardy halyqaralyq deńgeide nasihattaý mańyzdy.
Jalpy, sarapshynyń pikirinshe, týrizm salasynyń negizgi qaǵidaty turaqty damý bolýy tiis. Bul rette sheteldik týristerdi tartýmen qatar, ishki týrizmdi damytý da basymdyqtardyń biri bolyp qala beredi.
– Eń bastysy – qazaqstandyqtar óz elinde sapaly týristik qyzmet alyp, tólegen qarajatyna sai servisti kóretinine senimdi bolýy kerek. Sonda ǵana ishki týrizm de, halyqaralyq týrizm de qarqyndy damidy, – deidi Qazaqstan týristik qaýymdastyǵynyń direktory.
Mamandardyń aitýynsha, oqiǵalyq týrizmdi damytý, infraqurylymdy jetildirý, tsifrlyq tehnologiialardy engizý jáne ulttyq erekshelikterdi tiimdi nasihattaý Qazaqstannyń týristik áleýetin jańa deńgeige kóterýge múmkindik beredi. Al bul óz kezeginde óńirlerdiń ekonomikalyq damýyna serpin berip, elimizdiń halyqaralyq týristik kartadaǵy ornyn nyǵaita túspek.
