Almatyda Birińǵai jinaqtaýshy zeinetaqy qorynyń jumysyn baqylaýdy kúsheitý boiynsha Ulttyq bank direktorlar keńesiniń basqosýy ótti.
Direktorlar keńesiniń tóraǵasy Dina Ǵalievanyń aitýynsha, ishki baqylaý júiesinde kemshilikter jiberilgeni anyqtalǵan. Budan bylai Birińǵai jinaqtaýshy zeinetaqy qorynyń qarjysy Ulttyq banktiń basqarýyna tapsyrylatyn bolady.
Dál osy jiynda qor tóraǵasy taǵaiyndaldy. Bul qyzmetke Nurbibi Naýryzbaeva bekitildi. Ol kim? Naýryzbaeva budan buryn "Qazaqstan turǵyn-úi qurylysy jinaq bankiniń" tóraiymy bolǵan. Bank qyzmetkerleri memlekettik baǵdarlamamen beriletin baspanalardy jaqyn týystary men dos-jarandaryn kezekten tys alyp bergeni belgili bolǵannan keiin Naýryzbaeva ornyn bosatqan-tuǵyn. Turǵyn úi qurylys jinaq bankiniń sol kezdegi top-menedjerleri memlekettik baǵdarlamamen salynǵan páterlerdi tipti tegin alǵan.
Mine, basy osyndai bylyqqa batqan Nurbibi Naýryzbaeva Birińǵai jinaqtaýshy zeinetaqy qorynyń tóraiymy boldy. Óz sózinde qordyń jumysyn qadaǵalaityn Qoǵamdyq keńes quratynyn aitty. "Keńeske sarapshylardy, qarjygerlerdi, jýrnalisterdi jáne salymshylardyń ókilderin shaqyramyz" dedi ol.
