Sol-aq eken, áleýmettik jelidegi qaýym shýlap ketken. Politseilerdi jerden alyp, jerge salǵan. Dostoevskiidiń dedýktsiia ádisin oqyǵan adam munda bir shikilik baryn ańǵarýy kerek edi.
Atalǵan jaitqa bailanysty Astananyń Ishki ister departamenti túsinikteme beripti.
13 qańtar túngi saǵat 01:21 jáne 2:00 aralyǵynda Astanadaǵy Ishki ister departamentiniń qońyraý qabyldaý ortalyǵyna (102) Sandýǵash Sultannyń kórshisi birneshe ret habarlasyp, shaǵym túsiredi. Jýrnalist tún ortasyna deiin jurtqa uiqy bermegen. Úiden aiǵai-shý shyqqan.
Tún ortasynda turǵyndardyń mazasyn alǵan Sultannyń úiine politsiia patrýli keledi.
«Pogon taqqandardyń is-áreketi videotirkeý qurylǵysyna jazylǵan. Taspany tekserip shyǵyp, politsiia qyzmetkerleriniń Sandýǵash Sultanǵa tirkeý týraly suraq qoimaǵanyn anyqtadyq. Onyń ústine tirkeý týraly zańbuzýshylyqtardy anyqtaý patrýlderdiń quziretine kirmeidi» delingen habarlamada.
