Túrkistan oblysynyń ákimi Darhan Satybaldy Túlkibastyń áleýeti tolyq paidalanylmai otyrǵanyn aityp, aýdan ákimi men basqarma basshylaryna barlyq sala boiynsha jumysty kúsheitýdi tapsyrdy.
– Barlyq aýdan, qalany aralai kele baiqaǵanym – ortaq jáne uqsas máseleler kóp. Turǵyndarmen kezdesýlerde kóterilgen máseleler de mazmundas.
Ras, kópshiligine qosymsha qoldaý, biýdjetten qarjy bólý kerek. Biraq qolda bar ǵimarattardy durys kútip ustap otyra almai jatqan sátter kóp kezdesýde. Nemquraidylyqtyń saldary tazalyq pen tártiptiń nasharlaýyna ákelip soǵyp jatyr.
Túlkibas aýdanyndaǵy kópqabatty turǵyn úiler men meditsina mekemeleriniń birazynyń mańyndaǵy sanitarlyq tazalyq talapqa sai emes. Mektepter de bar. Kósheler men joldardyń sapasyn artyrý kerek. Mádeniet jáne demalys oryndarynda da abattandyrý, tazalyq jumystaryn jandandyrǵan jón. Túlkibas – týrizmdi, óndiristi damytýǵa óte qolaily aýdan.
Dál qasynan halyqaralyq magistral ótedi. Múmkindikti paidalaný kerek. Jumys oryndaryn kóbeitý, investitsiia tartý boiynsha naqty jumystar atqarýdy tapsyramyn, – dedi Darhan Satybaldy.
Túrkistan oblysy ákimi apparatynyń basshysy Erkeǵali Álimqulov aýdandaǵy jumystar men indikatorlardy zerdeleý nátijesi týraly baiandama jasady.
Naqty kemshilikterdi ashyq aityp, túitkilderdi tarqatty.
Májiliste Darhan Satybaldy aýdan ákimine zerdeleý jumystary nátijesi boiynsha anyqtalǵan kemshilikterdi joiý, aýdandy damytýda basqarmalarmen birlese júieli jumys atqarý jóninde tapsyrma berdi.
Aýdannyń kiris kózin ulǵaitý, jastardy qoldaý, densaýlyq, bilim salalaryndaǵy máselelerdi sheshý, aýdan infraqurylymyn jaqsartý, jańa kásiporyndar ashý, «Aýyl amanaty» jobasyn sapaly júzege asyrý jáne memlekettik baǵdarlalamalardy tiimdi paidalanyp, turǵyndardy eńbekpen qamtý jáne ózge de máselelerdi qozǵap, jumysty shiratý kerektigin aitty. Aýdan basshylyǵyna jaqynda kelgen Nurjan Iztileýovke iskerligin, biliktiligin kórsetý kerek ekenin jetkizdi.
Túlkibas aýdanynda negizgi kapitalǵa baǵyttalǵan investitsiia kólemi 2022 jyly 18,6 mlrd teńgeni qurady. 2023 jyldyń jospary – 23,4 mlrd teńge. Aldaǵy 3 jylda ónerkásip salasy boiynsha jalpy quny 322,9 mlrd teńgelik 8 jobany iske asyrý kózdelgen.
2024 jyly «Beibars Bottlers» JShS-niń aýyz sý jáne túrli-tústi sýsyndar shyǵaratyn zaýytyn salý jáne «Borsyqsai» JShS-niń balyqtarǵa arnalǵan jem-shóp óndiretin zaýytyn salý mejelengen. Qalǵan 6 jobany 2025 jyly júzege asyrý kózdelgen. Nátijesinde 1606 jańa jumys orny qurylyp, óndiris kólemi 84,6 mlrd teńgege artyp, biýdjetke qosymsha 6,8 mlrd teńge enip, kiris kólemi ulǵaiady degen jospar bar. Óńir basshylyǵy tarapynan jańa investorlar tartý, jobalar sanyn kóbeitý jóninde mindetter júkteldi. Bul baǵytta da jumystar qolǵa alynbaq.
