“Transtelekom” kompaniiasy Ekibastuzda “Derekter ortalyqtarynyń alqaby” (Data Center Valley) jobasy aiasynda Derekterdi óńdeý ortalyǵyn (TsOD) jobalaý jáne salý jumystaryna qatysty eki iri kelisimshartqa qol qoidy, dep habarlaidy dalanews.kz.
Kompaniia “QT-Telekommen” (100 paiyz “Qazaqtelekomǵa” tiesili) 196,4 mlrd teńgege, al Bastau Project kompaniiasymen 176,8 mlrd teńgege kelisim jasaǵan.
Osylaisha, kelisimsharttardyń jalpy quny 400 mlrd teńgege jýyqtady. Bul kórsetkish “Transtelekomnyń” 2026 jyldyń birinshi toqsanynyń sońyndaǵy aktivteri qunynyń 160 paiyzynan asady.
Qazirgi ýaqytta kompaniia aktsiialarynyń 75 paiyzy kásipker Ǵalymjan Esenovke tiesili Unit Telecom JShS-niń ieliginde bolsa, qalǵan 25 paiyzy “Qazaqstan temir joly” ulttyq kompaniiasyna qaraidy.
Buǵan deiin “Transtelekomnyń” benefitsiarlarynyń biri Nuraly Áliev bolǵan. Al 2025 jyldyń jeltoqsanynda Timýr Týrlovtyń qurylymdary kompaniiany satyp alý protsesin bastaǵanymen, 2026 jylǵy 30 maýsymdaǵy jaǵdai boiynsha mámile áli aiaqtalmaǵan.
