Toqaev: «Valentin kúni – bizge jat uǵym»
Senat spikeri: «Əýlie Valentin kúni Batystan kelgen, elimizdiń bolmysyna jáne salt-dástúrine múldem qarsy bolyp turǵan uǵym. Jastarymyz osyny túsiný kerek» – dep jazdy óziniń Tvitterdegi paraqshasynda.
Eske salaiyq, Áýlie Valentin kúni nemese Ǵashyqtar kúni álemniń kóptegen elderinde 14 aqpan kúni atap ótiletin mereke. Onyń Qazaqstanǵa jáne basqa da TMD elderine kelgen kezi – toqsanynshy jyldardyń basy.
Hristian dindarlarynyń ańyzdarynda úsh Valentin týraly aitylady. Birinshisi – Rim imperatory Iýlii Klavdiidiń sarbazdardyń úilenýine tyiym salǵan zańyn buzyp, nekeleskeni úshin ólim jazasyna buiyrylǵan adam.
Osy oqiǵadan 200 jyl ótkennen keiin ekinshi imperator Gelasiýstiń sheshimimen «Áýlie Valentin» kúni merekelengen. Ekinshi bir dini ańyzda Valentinniń din qyzmetkeri ekendigi, hristiandarǵa kómekteskeni úshin túrmege qamalǵany, osynda jatyp onyń túrme qyzmetkerine ǵashyq bolǵany, onyń jazaǵa tartylyp, basynyń shabylǵandyǵy aitylady.
Al endi úshinshi Valentin eshkimge ǵashyq bolmaǵan. Hristian dininiń qyzmetkeri bolǵan, onyń ne úshin jazalanǵany belgisiz. Tek ol ólim jazasyna kesilgennen keiin «Áýlie» dep jariialanǵan.
