Memleket basshysy Qasym-Jomart Toqaev SNNC kompanıasynyń bas dırektory Shen Ianfendi qabyldady. Áńgimelesý barysynda atom energıasyn beıbit maqsatta paıdalanatyn ozyq tehnologıalardy zerdeleý jáne qazaqstandyq mamandardy oqytý baǵytyndaǵy yqpaldastyq máseleleri qarastyryldy, dep habarlaıdy Dalanews.kz Aqordanyń baspasóz qyzmetine silteme jasap.

Qytaıdyń Ulttyq ıadrolyq ónerkásip korporasıasynyń (SNNC) basshysymen kezdesýde atom energetıkasy salasyndaǵy yntymaqtastyq perspektıvasy talqylandy.

Qasym-Jomart Toqaev Shen Ianfenge Qazaqstannyń atalǵan salany damytý jónindegi josparyn tanystyryp, taıaýda Iadrolyq energetıka agenttigin qurý týraly mańyzdy sheshim qabyldanǵanyna nazar aýdardy. Bul ulttyq ekonomıka aldyndaǵy strategıalyq mindetti júıeli túrde júzege asyrýdy kózdeıdi.

Prezıdent Qytaı Halyq Respýblıkasynyń atom energetıkasynda kóshbasshy sanalatyn CNNC tájirıbesine elimizdiń qyzyǵýshylyq tanytyp otyrǵanyn aıtty.

Shen Ianfen Memleket basshysyna kompanıanyń Qytaıdaǵy jáne odan tysqary jerlerdegi jobalary týraly málimet berdi.

Áńgimelesý barysynda atom energıasyn beıbit maqsatta paıdalanatyn ozyq tehnologıalardy zerdeleý jáne qazaqstandyq mamandardy oqytý baǵytyndaǵy yqpaldastyq máseleleri qarastyryldy.