Osyǵan orai prezident Qasym-Jomart Toqaev elimizdiń lańkestikke qarsy kúres jónindegi jahandyq deńgeide júzege asyrylyp jatqan is-qimyldardy qoldaitynyn taǵy bir márte naqtylady.
Bul jaiynda Memleket basshysynyń baspasóz hatshysy Berik Ýáli áleýmettik jelidegi paraqshasynda jazdy.
«Búgin biz de búkil álemdi dúr silkindirgen AQSh tarihyndaǵy eń qaraly kúnderdiń biri – 2001 jyldyń 11 qyrkúiegindegi terrorlyq akt qurbandaryn eske alamyz. Jalpy adamzatqa qarsy jasalǵan osy jantúrshigerlik oqiǵa búkil álemdegi milliondaǵan adamdardyń jadynda berik saqtalǵan.
Qazaqstan álemdik qoǵamdastyqtyń terrorizmge qarsy is-qimyldaryn túbegeili qoldaidy.
Qaýipsizdik pen turaqtylyqty qamtamasyz etý – Qazaqstan strategiiasynyń jáne AQSh-pen strategiialyq seriktestigimizdiń negizgi ustanymy», – dep jazdy Memleket basshysy óziniń Twitter paraqshasynda.
