Prezident Qasym-Jomart Toqaev Qazaqstannyń kók pasporty týraly sóz qozǵady, dep habarlaidy Dalanews.kz.
Prezident kók pasportymyz ulttyq biregeiligimizdiń aiqyn nyshanyna ainalǵanyn aitty.
"Jyl ótken saiyn tólqujatymyzdyń abyroi-bedeli kóterilip keledi. Bul halyqaralyq qaýymdastyqtyń bizge degen qyzyǵýshylyǵy artyp, elimizdiń yqpaly kúsheie túskenin kórsetedi. Ár qurlyqtaǵy túrli memlekettiń azamattary turaqty turý nemese demalý úshin bizdiń eldi jii tańdaityn boldy. Bul – kezdeisoqtyq emes.
Qazaqstan bedeldi halyqaralyq reitingterdegi qaýipsizdik indeksi boiynsha ainalamyzdaǵy kóptegen memleketterdiń báriniń derlik aldynda tur. Al zań ústemdigi indeksindegi «Tártip pen qaýipsizdik» kórsetkishi boiynsha, 142 eldiń ishinen 43 orynǵa taban tiredi", deidi prezident.
