“Qazaqstan turǵyndary Tuńǵysh prezıdentti synaıdy. Áleýmettik jeliniń zamanynda buǵan toqtaý sala almaımyz. Internet ómirimizdi túbegeıli ózgertti. Oı-pikirin ortaǵa salǵysy kelgen san myńdaǵan adamǵa erkindik berdi. Tuńǵysh prezıdentti eshkim synamaıdy kesip dep aıtýǵa bolmaıdy” dedi Toqaev.
Budan bólek ereýilge shyqqandarǵa qarsy polısıanyń arnaıy quraldar qoldanbaǵanyn jáne bul tikeleı óz buıryǵy bolǵanyn, arnaıy jasaqtyń alańdaǵy arandatýshylardy jalań qolmen quryqtaǵanyn mysalǵa keltirdi.
“Mıtıńiler týraly” zań Ulttyq keńes múshelerimen aqyldasa ózgeretinin málimdegen Toqaev zańnyń demokratıalyq úrdiske beıimdeletinin aıtty.
“Men lıberaldandyrý degen sózdi unatpaımyn. Jańa zańǵa saı eldi alańǵa bastap shyqqan azamattar qoǵamdyq tártiptiń saqtalýyn tolyqtaı moınyna alady jáne mıtıńige qatysy joq halyqtyń, onyń ishinde Úkimetti qoldaıtyn qaýymnyń quqyǵyna qol suqpaıdy.
Qoǵamdyq tártipti buzbaı, bılikke aryz-shaǵym aıtý úshin ǵana alańǵa shyqqan beıbit turǵyndarǵa qandaı bir jazalaý sharasyn qoldanbaımyz”, – dedi Toqaev.