Senator Gennadii Shipovskih Qazaqstandaǵy TikTok áleýmettik jelisin qatań baqylaýǵa alý qajettiligi týraly Úkimet basshysy Oljas Bektenovke depýtattyq saýal joldady, dep habarlaidy Dalanews.kz.
Depýtat TikTok paidalanýshylar sanynyń artyp jatqanyn jáne olardyń basym kópshiligi jasóspirimder ekenin jetkizdi. Osy tusta, ol platformada bilim men tarihty zerdeleýge bailanysty paidaly taqyryptar óte az úlesti quraitynyn atap ótti.
Shipovskihtyń aitýynsha, balalardyń psihikasyna, densaýlyǵyna keri áserin tigizetin kontentter, sondai-aq kiberqaýipsizdik pen derekterdiń qupiialyǵyna qaýip tóndiretin materialdar keńinen taralýda. Bul másele boiynsha senator Frantsiia, Kanada jáne Qyrǵyzstan siiaqty elderdiń TikTok-ty paidalanýdy shekteý sharalaryn qolǵa alǵanyn eske saldy.
Usynystar
Gennadii Shipovskih balalardy qorǵaý jáne ulttyq qaýipsizdikti qamtamasyz etý maqsatynda kelesi sharalardy usyndy:
1. TikTok platformasynda ekstremizm, radikalizm, separatizm jáne moraldyq qundylyqtarǵa qaishy kontentterdi anyqtaý jáne shekteý boiynsha naqty algoritm engizý.
2. TikTok-tyń YouTube Kids sekildi balalarǵa arnalǵan arnaiy platformasyn jasaý usynyldy. Bul 13 jasqa deiingi balalardy qaýipti kontentten qorǵaý úshin mańyzdy.
3. 13 jasqa tolmaǵan balalardyń ata-anasynyń telefonynan TikTok-qa kirgende Face ID tehnologiiasy arqyly shekteý mehanizmi engizilýi kerek.
Senator bul sharalar jastar arasyndaǵy qaýipti ádetterdiń aldyn alýǵa, sondai-aq el azamattarynyń densaýlyǵy men moraldyq qundylyqtaryn qorǵaýǵa baǵyttalǵan mańyzdy qadamdar ekenin aitty.
