Instagram-daǵy satiralyq Qaznews24 pabliginiń avtory Temirlan Eńsebektiń qorǵaýshysy Almaty qalalyq sotyna apelliatsiialyq shaǵym túsirdi, dep habarlaidy Dalanews.kz.
Advokat Janar Balǵabaevanyń aitýynsha, shaǵym e-Otinish portaly arqyly berilgen. Onyń sózinshe, sot júiesinde tehnikalyq aqaýlar oryn alyp jatqanymen, shaǵym zańda belgilengen merzimde joldanǵan. Qazir tolyq apelliatsiialyq negizdeme ázirlenip jatyr.
"Biz qysqasha shaǵymdy jiberip úlgerdik. Negizgi dálelder men ýájderdi keiinirek tolyqtyrdyq. Ázirge Almaty qalalyq sotynyń apelliatsiialyq alqasynyń qaraýyna joldandy", – deidi qorǵaýshy.
Advokattyń aitýynsha, Naýryzbai aýdandyq sotynyń úkimi zańdy kúshine engen joq. Degenmen, minez-qulyqqa qatysty aldyn ala eskertý engizilgen. Eger Temirlan qazir belsendi pikir bildire bastasa, bul sot talabyn buzý retinde qarastyrylýy múmkin.
"Úkim áli kúshine enbegenimen, sot oǵan keibir shekteý sipatyndaǵy mindettemelerdi saqtaýǵa mindettedi. Iaǵni, bul jaǵdaida óte saq bolý qajet. Mundai áreketter, shyn máninde, ony únsiz qaldyrýǵa baǵyttalǵan", – dedi Balǵabaeva.
Eske salaiyq, "Alaýyzdyq qozdyrdy" dep aiyptalǵan Qaznews24 satiralyq pabliginiń avtory Temirlan Eńsebek 5 jyl bas bostandyǵyn shekteý jazasyna kesilgen edi.
Almaty qalasynyń Naýryzbai aýdandyq sotynda áleýmettik jelilerdi paidalaný arqyly ulttyq arazdyqty qozdyrdy dep aiyptalǵan Temirlan Eńsebekke qatysty qylmystyq is qaralǵan bolatyn.
"Temirlan Eńsebek Instagram paraqshasynyń 34 myńnan astam oqyrmany bar paraqshasynyń ákimshisi bola otyryp, basqa ult ókilderiniń ulttyq abyroiy men qadir-qasietin kópshilik aldynda qorlaýǵa baǵyttalǵan, dóreki, balaǵat sózdermen jazylǵan mátini bar mýzykalyq kompozitsiiamen birge post jariialaǵan", - delingen úkimde.
Sotta mundai áreketter Qazaqstan Respýblikasynyń negizgi qaǵidattarynyń biri bolyp tabylatyn ultaralyq kelisim men halyq birligin buzýǵa baǵyttalǵanyn aitty.
"Sottalýshynyń kinási is materialdarymen, sonyń ishinde sot-psihologiialyq jáne filologiialyq saraptama qorytyndysymen, jaýap alý hattamalarymen jáne zattai dáleldemelermen dáleldendi", - dedi sotta.
Is qaraý barysynda Temirlan Eńsebek óz kinásin moiyndamaǵan.
Sot otyrysynyń qorytyndysy boiynsha, qylmystyq is materialdaryn zerttep, taraptardyń sot jaryssózderinde aitqan ustanymdaryn eskere otyryp, sot sottalýshyny atalǵan áreketti jasaǵany úshin kináli dep tanydy. Sot sheshimi Qylmystyq Kodekstiń 174-babynyń 1-bóligi boiynsha jaza 2 myńnan 7 myń ailyq eseptik kórsetkishke deiingi mólsherde aiyppul salýdy ne 2 jyldan 7 jylǵa deiingi merzimge bas bostandyǵyn shekteýdi ne sol merzimge bas bostandyǵynan aiyrýdy kózdeidi.
Sondai-aq sot Temirlan Eńsebekke qoǵamdyq qyzmetpen ainalysýǵa, onyń ishinde jýrnalist retinde jumys isteýge tyiym salý týraly úkim shyǵardy.
"Sot sheshim shyǵarǵan kezde, sottalýshynyń buryn sottalmaǵany eskerildi, alaida ol óz quqyqqa qaishy áreketi úshin ókinish bildirmegen. Osylaisha, sot sottalýshyny belgili bir qyzmetpen ainalysý quqyǵynan aiyrý túrindegi qosymsha jazamen bas bostandyǵynan aiyrýmen bailanysty emes 5 jyl bas bostandyǵyn shekteý jazasyn taǵaiyndady", - delingen sot úkiminde.
Eske salaiyq, QazNews24 satiralyq pabliginiń avtory Temirlan Eńsebekti politsiia 17 qańtarda úiine tintý júrgizgennen keiin ustap áketken. 18 qańtarda Eńsebek eki aiǵa qamaýǵa alyndy. Oǵan "ultaralyq alaýyzdyq qozdyrdy" degen aiyp taǵylyp otyr. Politsiia qylmystyq istiń sebebi – ultaralyq arazdyqty qozdyrý jáne etnostardyń biriniń ókilderin qorlaý belgileri bar materialdy jariialaý bolǵan.
