Búgin óńirde «Taza Qazaqstan» baǵdarlamasy aıasynda aýmaqtardy tazartý, kógaldandyrý jáne eldi mekenderdi sanıtarlyq tazalaý jumystary uıymdastyryldy, dep habarlaıdy Dalanews.kz.
Sonymen qatar bekitilgen josparǵa sáıkes Panfılov aýdanynda «7 OZEN» ekologıalyq aksıasy ótkizilip, İle ózeniniń arnasy tazartyldy. Ooǵan 50 adam, 2 birlik arnaıy tehnıka jumyldyrylyp, 25 tonna qatty turmystyq qaldyq shyǵaryldy.
Sondaı-aq halyqtyń ekologıalyq mádenıetin arttyrýǵa, qorshaǵan ortaǵa uqypty qaraýdy qalyptastyrýǵa jáne eldi mekenderdiń ekologıalyq jaǵdaıyn jaqsartýǵa baǵyttalǵan «Taza Qazaqstan» jalpyulttyq bastamasyn iske asyrý sheńberinde Taldyqorǵan, Tekeli, Sarqan, Jarkent, Úshtóbe jáne Úsharal qalalarynda «Taza qala» ekologıalyq aksıasy ótkizildi.
Atalǵan is-shara qala aýmaqtaryn sanıtarlyq tazartýǵa, aýlalar men qoǵamdyq keńistikterdi abattandyrýǵa, sondaı-aq halyqty, eriktilerdi, uıymdar men qoǵamdyq birlestikter ókilderin tarta otyryp, aýmaqtardy kógaldandyrýǵa baǵyttaldy.
Aksıa qorytyndysy boıynsha 2 800 adam qatysty, 41 birlik tehnıka tartylyp, 101 tonna qoqys shyǵaryldy, 1 710 aǵash kóshetteri otyrǵyzyldy.
Oblys boıynsha tazartý jáne kógaldandyrý is-sharalary bastalǵannan beri 51 myńnan astam adam qatysyp, 913 birlik tehnıka jumyldyryldy. Nátıjesinde 1 044 gektar aýmaq tazartylyp, 4 myń tonna qoqys shyǵarylyp, 40,9 myń aǵash kósheti otyrǵyzyldy.
Jetisý oblysynda «Taza Qazaqstan» baǵdarlamasyn iske asyrý jalǵasýda jáne erekshe baqylaýda. Atalǵan aksıa óńirdegi ekologıalyq jaǵdaıdy jaqsartýǵa jáne halyqtyń qorshaǵan ortaǵa jaýapty kózqarasyn qalyptastyrýǵa baǵyttalǵan.
