Taýly jerge qiiar egip, tabysqa kenelgen sharýa endi balyq ósirýdi kózdep otyr
Tólebi aýdanyndaǵy sharýalar jylyjai salyp, tamshylatyp sýǵarý ádisin qoldaný arqyly kókónis egýdi qolǵa alǵan, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Taýly aýmaqqa kóktem kesh túsetinine bailanysty, jylyjaidyń paidasy orasan zor.
Aqqum aýyldyq okrýgine qarasty Jańauiym eldimekeniniń turǵyny Meiirjan Ǵaniuly óziniń úiiniń irgesinen 0,03 gektar jerine jylyjai salyp, qiiar ekken. Búgingi tańda alynǵan ónimdermen jergilikti turǵyndardy qamtamasyz etip otyr.
Sharýanyń endigi alǵa qoiǵan maqsaty – jylyjai kólemin ulǵaitý. Sonymen qatar, balyq ósirý sharýashylyǵymen ainalysý úshin jeńildetilgen nesie alýdy kózdep otyr.
Meiirjan Ǵaniuly kásibin órkendetý maqsatynda sala mamandarynan keńes aldy.
