Jambyl oblysynda sot oqýshylar arasyndaǵy qaiǵyly oqiǵa týraly is boiynsha úkim shyǵardy, dep habarlaidy Dalanews.kz.
Sot málimetinshe, kámeletke tolmaǵan sottalýshy R. - 9-synyp oqýshysy.
"Ol Taraz qalasyndaǵy mektepte kámeletke tolmaǵan qurdasy A.-men qaqtyǵys kezinde oǵan fizikalyq zorlyq-zombylyq kórsetken. Moiyn jaraqatynyń saldarynan jábirlenýshi oqiǵa ornynda qaitys boldy", - dep jazylǵan sot málimetinde.
Sottalýshynyń kinási kýálerdiń aiǵaqtarymen, saraptama qorytyndylarymen jáne zattai dáleldermen dáleldengen.
Prokýror sottalýshyǵa 6 jyl 8 aiǵa bas bostandyǵynan aiyrý jazasyn taǵaiyndaýdy surady.
Sot úkimimen sottalýshy R. QK 106-babynyń 3-bóligi boiynsha kináli dep tanylyp, oǵan QK 81-babynyń 7-bóligi jáne QK 55-baby 2-bóliginiń 2) tarmaǵy negizinde 6 jyl 8 ai merzimge bas bostandyǵynan aiyrý jazasy taǵaiyndaldy. Sondai-aq, sot sottalýshynyń zańdy ókilderinen jábirlenýshi taraptyń paidasyna 10 mln teńge mólsherinde moraldyq ziian óndirip aldy.
Úkim zańdy kúshine engen joq.
