Baiqaýdyń maqsaty – Elbasy N.Nazarbaevtyń «Bolashaqqa baǵdar: rýhani jańǵyrý» baǵdarlamalyq maqalasyndaǵy «Qazaqstannyń kieli jerleri geografiiasy» baǵdarlamasyn júzege asyrý jáne týǵan jerdiń týristik áleýetin kóterip, tarihyn nasihattaý.
Olardyń arasynda aǵylshyn jáne túrik tilinde tereń bilim alyp júrgenderi de bar eken. Demek, Túrkistan oblysy men Túrkistan qalasy týraly birneshe tilde maqala, túrli eńbekter jazyp, shetelge tanytýǵa bolady.
Sondyqtan jas áriptesterimizge bizben birlesip jumys isteńizder degimiz keledi. Bul maqsatta erikti jýrnalister klýbyn qurýǵa shaqyramyn. Túrkistannyń tarihyn dáriptep, týristik tartymdylyǵyn arttyrýǵa sizder de úles qosasyzdar. Máselen, búginnen bastap oblysta «Tańǵajaiyp Túrkistan» baiqaýy bastaldy. Oǵan kez kelgen áleýmettik jeli belsendileri qatysa alady. Sizderdi de baq synaýǵa shaqyramyz, – dedi basqarma basshysy.
Árbir qatysýshy kem degende 20 jazba jazýy tiis. Bul baiqaýǵa aǵymdaǵy jyldyń 14 qyrkúieginen 12 jeltoqsanǵa deiin jariialanǵan materialdar qabyldanady.
Jeńimpazdar baiqaýdy uiymdastyrýshy tarap túzgen komissiia quramynyń sheshimimen anyqtalady. Usynylǵan jumystardyń úzdikteri «Túrkistan jarshysy» feisbýk tobynda kóp daýys jinaǵany, eń kóp unatylǵany (laik), eń kóp bólisilgeni (repost) arqyly da baǵalanady. Baiqaýdyń júlde qory – 1350000 teńge. «Tańǵajaiyp Túrkistan» saiysynda bas júlde, 1-shi, 2-shi, 3-oryndar beriledi. Sondai-aq yntalandyrý syilyqtary da taǵaiyndalǵan.
Stýdentter de óz usynystaryn aityp, Túrkistannyń jańa kelbetin qalyptastyrý bastamasyna belsene qatysatyndaryn jetkizdi.
Túrkistan oblysy ákiminiń baspasóz qyzmeti
