«Sarqan aýdany boıynsha bilim bólimi» MM bas býhgalteri 8 jylǵa sottaldy, dep habarlaıdy Dalanews.kz.

Memleket basshysynyń tapsyrmasyn oryndaý úshin Cybaılas jemqorlyqqa qarsy is-qımyl agenttigi bilim berý salasyndaǵy zańdylyq qaǵıdatyn qamtamasyz etýge erekshe nazar aýdarady.

Taldyqorǵan qalalyq soty «Sarqan aýdany boıynsha bilim bólimi» MM bas býhgalteri K. Qurmanǵalıevaǵa, sol bólimniń býhgalterleri A. Muratova men A. Qalabaevaǵa, «Qazposhta» AQ aýdandyq ýchaskesiniń bastyǵy A. Takenge, «Aıdana» bóbekjaı-baqshasy meńgerýshisiniń m.a. N. Balǵabaevaǵa jáne Jetisý oblysy İMAB kameraldyq baqylaý bóliminiń basshysy Ý. Japabaevqa qatysty úkim shyǵardy.

Qurmanǵalıeva, Qalabaeva, Muratova jáne Taken bilim bólimi qyzmetkerleriniń shottaryna belgilengen jalaqydan artyq aýdarý jolymen 1,6 mlrd teńge somasynda búdjet qarajatyn jymqyrǵany úshin kináli dep tanyldy.

Balǵabaeva, Qalabaeva balabaqshada aýdıt júrgizbeý syltaýymen olardyń aqshalaı qarajatyn ıemdengen Japabaevqa para berýge oqtalǵany úshin kináli dep tanyldy.

Qurmanǵalıevaǵa 8 jylǵa, Qalabaeva, Muratova jáne Takenge 7 jylǵa bas bostandyǵynan aıyrý jazasy taǵaıyndaldy.

Balǵabaeva men Japabaevqa tıisinshe 1,2 mln teńge jáne 1 mln teńge aıyppul salyndy.

Sonymen qatar, sottalǵandar memlekettik qyzmette jáne kvazımemlekettik sektor sýbektilerinde qyzmet atqarý quqyǵynan ómir boıy aıyryldy.

Sot aktisi zańdy kúshine engen joq.