QR Prezidenti Ákimshiligi basshysynyń birinshi orynbasary qyzmetine Marat Tájin taǵaiyndaldy.
Bul týraly Aqordanyń baspasóz qyzmeti habarlady.
Elbasy Nursultan Nazarbaevtyń Jarlyǵymen Marat Muhanbetqazyuly Tájin Qazaqstan Respýblikasy Prezidenti Ákimshiligi basshysynyń birinshi orynbasary qyzmetine taǵaiyndaly, dep habarlaidy Aqordanyń baspasóz qyzmeti.
«Marat Muhanbetqazyuly Tájin Qazaqstan Respýblikasy Prezidenti Ákimshiligi basshysynyń birinshi orynbasary bolyp taǵaiyndalsyn, ol Qazaqstan Respýblikasynyń Resei Federatsiiasyndaǵy Tótenshe jáne Ókiletti Elshisi qyzmetinen bosatylsyn»,-delingen Jarlyqtyń mátininde.
Aita ketelik, aldynda Memleket basshysynyń Jarlyǵymen Baǵlan Asaýbaiuly Mailybaev Qazaqstan Respýblikasy Prezidenti Ákimshiligi basshysynyń orynbasary qyzmetinen bosatylǵan bolatyn.
Marat Tájin ár jyldary QR Ulttyq qaýipsizdik komitetiniń tóraǵasy, QR Prezidenti Ákimshiligi basshysynyń birinshi orynbasary — ishki saiasat basqarmasynyń bastyǵy, QR Prezidentiniń kómekshisi, QR Syrtqy ister ministri, QR Memlekettik hatshysy syndy únemi joǵary laýazymdy qyzmetterdi atqaryp keldi.
