Onyń pikirinshe, kerisinshe qazirgi jaǵdai jergilikti kásipkerler úshin tiimdi.
Sanktsiia jaǵdaiynda qazaqstandyq kásipkerler óz ónimderin Resei naryǵyna shyǵarýǵa múmkindik alady.
Azattyq tilshisiniń: "Ulttyq bank basshysynan bastap sarapshylarǵa deiin teńgeniń quldyraýyn rýblmen bailanystyryp otyr. Bul rette Qazaqstan Eýraziialyq odaqtan shyǵýy qajet degen pikirler aitylyp jatyr. Buǵan ne deisiz?" degen saýalyna Baqyt Sultanov bylai dep jaýap beripti:
"Bul odaqty qurýǵa uiytqy bolǵan Astana ǵoi. Sondyqtan odaqtas elder qazirgi qiyndyqtardy birigip eńserýi qajet. Osynshalyqty orasan naryq kómegimen bolashaqta jahandyq daǵdarysqa tótep beretin bolamyz".
Sultanovtyń aitýynsha, dollardyń óskeni ázir "respýblikalyq biýdjetke áser etip otyrǵan joq" jáne qosymsha shyǵyndy qajet etpeidi. Buǵan qosa biýdjetti qurý kezinde bir dollar 340 teńge kóleminde bekitilgenin, al alǵashqy jartyjyldyqtaǵy baǵam bul deńgeiden tómen bolǵasyn, ázirgi ýaqytta biýdjetti qaita qarastyrýdyń qajeti joqtyǵyn aitty.
AQSh ótken aida Máskeýdi Britaniiada turatyn Resei Bas barlaý basqarmasynyń (GRÝ) burynǵy ofitseri Sergei Skripal men onyń qyzyn ýlady dep aiyptap kezekti sanktsiia salǵan. 5 naýryzda Ulybritaniianyń Solsberi qalasynda Sergei Skripaldiń belgisýz zattan qatty ýlanyp, aýrýhanaǵa túskeni habarlanǵan.
Sanktsiia jaǵdaiynda rýbl kún ótken saiyn quldyraýda, bul óz kezeginde teńgege de áser etýde.
Budan buryn Ulttyq bank basshysy Daniiar Aqyshev antireseilik sanktsiialar saldarynan Qazaqstandaǵy infliatsiia deńgeii ósýi múmkin ekenin aitqan edi.
