Pavlodar oblysynda bopsalaýmen ainalysqan kúdiktiler quryqtaldy, - dep habarlaidy Dalanews.kz.
Eki qalada uzaq ýaqyt boiy joǵary oqý oryndary men kolledj stýdentterin bopsalaýmen ainalysqan marginaldy jastar arasynan 2 adamdy ustaý boiynsha sátti operatsiia júrgizildi.
Olar jastarǵa qoqan-loqy kórsetip, zorlyq-zombylyq jasap, aqsha, materialdyq qundylyq surap, taýar retinde de, aqshalai da nesie rásimdeýdi talap etken.
Aldyn ala málimetter boiynsha ustalǵandarǵa qatysty bopsalaýǵa bailanysty 10-nan asa quqyqbuzýshylyq tirkelgen.
UQQKB qyzmetkerleri birqatar is-shara ótkizip, kúdiktilerdiń kinásin dáleldeýge jáne olardy ustaýǵa múmkindik beretin dálelder jinaǵan.
"Politsiia óńirdegi stýdentter men jastardyń qaýipsizdigin qamtamasyz etý boiynsha belsendi jumysty jalǵastyrady", - dedi Pavlodar oblysy PD uiymdasqan qylmysqa qarsy kúres basqarmasynyń bastyǵy Ǵabit Qabdrahmanov.
