Sportty damytatyn mańyzdy kelisim
Osy maqsatta oblys ákimi Danial Ahmetov Qazaqstan Boks Federatsiiasy enshiles «Tarlan batyrlary» JShS basshysy, Olimpiada oiyndarynyń chempiony Bahtiiar Artaevty qabyldady. Aita ketý kerek, bul Elbasynyń MJS damytý týraly tapsyrmasy aiasynda aimaqta dál sport salasynda júzege asqaly otyrǵan tuńǵysh joba.
– Bul – memleket pen jekemenshik seriktestiginiń jaqsy úlgisi. Oǵan ári Olimpiada chempiony qatysyp otyr. Kompaniia jattyǵýǵa arnalǵan ǵimarat beredi, bilikti mamandar tartyp, jańa jattyǵý ádisterin engizedi. 3 jyl aiasynda 400 jýyq bala jattyǵatyn bolady. Jalǵasyn tapsa quba-qup, – dedi oblys ákimi Danial Ahmetov.
Óz kezeginde ákimdik jattyǵý barysyn uiymdastyrýǵa qarajat bóledi. Tegin servistik qyzmet sondai-aq, sport ardagerler men múmkindigi shekteýli azamattarǵa da kórsetiledi. Jalpy sporttyń dziýdo, erkin kúres, aýyr atletika, boks jáne taekvando siiaqty bes túri qamtylady.
ShQO ákiminiń baspasóz qyzmeti
