IIM Qylmystyq-atqarý júiesi komiteti men Astana sotynda burynǵy ishki ister ministri Erlan Turǵymbaev jazasyn qalai ótep jatqany aityldy, - dep habarlaidy Dalanews.kz Tengrinews.kz-ke silteme jasap.
Tamyzda sot Turǵymbaevqa laýazymdyq ókiletin asyra paidalanǵany úshin shartty túrde 5 jylǵa úkim shyǵardy.
Astana qalasynyń qylmystyq ister jónindegi aýdanaralyq sotynyń úkimi 2024 jylǵy 26 tamyzda zańdy kúshine endi, oǵan shaǵym túspegen.
"Sot úkimimen probatsiialyq baqylaý belgilendi, ony ýákiletti memlekettik organ turǵylyqty jeri boiynsha probatsiia qyzmeti arqyly júzege asyrady", – dep jazylǵan sot málimetinde.
Probatsiialyq baqylaý qaǵidalary boiynsha Turǵymbaevtyń ýákiletti memlekettik organǵa habarlamai, turaqty turǵylyqty jerin nemese jumysyn ózgertýge quqyǵy joq.
Sotta "eks ministr arnaiy bilezik taǵa ma" degen suraqqa da jaýap berildi. Málimetke súiensek, qylmystyq isti qaraý kezinde sottalǵan adam bilezik taqpaǵan, óitkeni ol qamaýda bolǵan. Qazir jaǵdai qalai ekeni naqtylanbady.
Sot úkimimen eks-sheneýnik QR Qylmystyq kodeksiniń 362-babynyń 4-bóliginde kózdelgen qylmysty jasaǵany úshin kináli dep tanylyp, 10 jylǵa belgili bir laýazymdardy atqarý quqyǵynan aiyryla otyryp, 5 jylǵa bas bostandyǵynan aiyryldy.
Oǵan sybailas jemqorlyqqa qatysty aiyp taǵylmaǵandyqtan, QR Qylmystyq kodeksiniń 63-baby negizinde taǵaiyndalǵan jazany shartty dep sanaý uiǵaryldy.
