Qazirgi tańda dini ekstremizm men radikaldy ideologiianyń aldyn alý jumystary júieli túrde júrgizilip keledi. Memleket bul baǵytta keshendi sharalar qabyldap, destrýktivti aǵymdarǵa tosqaýyl qoiýǵa basymdyq berip otyr, dep habarlaidy Dalanews.kz
«Bizdiń basty maqsatymyz – destrýktivti dini aǵym ókilderin dástúrli dinge, qoǵamdyq qundylyqtarǵa beiimdeý jáne olarmen aqparattyq túsindirý jumystaryn úzdiksiz júrgizý», – deidi dintanýshy Bahtiiar Ónerbaev.
Bahtiiar Ónerbaevtyń aitýynsha, terrorizm men ekstremizmge qarsy kúres Qazaqstan zańnamasynda naqty belgilengen. Qylmystyq kodekstiń 256–259 baptarynda radikaldy ideologiiany taratý, dini jáne ultaralyq arazdyq týdyrý sekildi áreketterge jaýapkershilik qarastyrylǵan.
«Shymkent qalasynda osy baptar boiynsha sottalǵan 70-ke jýyq azamat qazir túzetý mekemelerinde otyr. Bul – qoǵamda destrýktivti ideialarǵa jol joq degenniń naqty dáleli», – deidi ol.
Qazirgi ýaqytta internet – radikaldy ideologiianyń negizgi taralý arnasyna ainalǵan. Osyǵan bailanysty arnaiy monitoring júieleri men kiberbaqylaý quraldary iske qosylǵan.
Sarapshynyń aitýynsha, jastar internettegi ár aqparatqa sene bermeýi kerek. Sebebi áleýmettik jelilerde feik jáne arandatýshylyq mazmundaǵy materialdar jii taralady.
Qazaqstanda búgingi tańda 18 konfessiia resmi tirkelgen. Memleket barlyq dinge teń múmkindik beredi, biraq olardyń qyzmeti zań aiasynda qadaǵalanady.
Shymkent qalasynda 9 missioner tirkelgen, barlyǵy jyl saiyn qaita tirkeýden ótedi. Sondai-aq qalada 32 dini birlestik bar. Olarmen memlekettik organdar birlesip túrli áleýmettik jáne tárbielik jobalardy júzege asyrady.
«Biz dini birlestikterdi memlekettik merekelerge, ekologiialyq aktsiialarǵa shaqyramyz. Maqsat – dindi qoǵammen úndestirý, ortaq qundylyqtardy dáripteý», – deidi dintanýshy.
Basqarma jyl saiyn kolledjder men ýniversitetterge teolog jáne psiholog mamandardy jiberip, din, dástúr jáne radikalizmniń qaýpi týraly dárister ótkizedi. Bul – jastardyń dini saýattylyǵyn arttyrýdaǵy mańyzdy baǵyttardyń biri.
Sarapshynyń aitýynsha, dástúrli din men ulttyq qundylyqtar – qoǵamdy biriktiretin basty negiz. Adasqan aǵymdardyń eń qaýipti tusy – olardyń adamdy otbasynan, ata-anasynan jáne ulttyq sana men dástúrden alystatýy.
«Bizdiń dástúrli dinimiz – ata-anasyna qarsy shyqpaǵan, salt-dástúrin saqtaǵan, qoǵammen birge bolǵan din. Al destrýktivti aǵymdar, kerisinshe, adamdy bólekteidi. Sondyqtan biz jastarǵa óz tarihyn, jeti atasyn, mádenietin bilýge shaqyramyz», – deidi ol.
Dintanýshynyń aitýynsha, qoǵamnyń qaýipsizdigi – ár azamattyń dini jáne quqyqtyq saýattylyǵyna tikelei bailanysty. Eger árkim zańdy, dástúrdi jáne ortaq qundylyqtardy syilasa, radikaldy ideologiiaǵa jol jabylady.
«Biz zaiyrly memleketpiz. Biz zań men parasat ústemdik etken el bolýymyz kerek. Sonda ǵana úrei men qorqynysh joq qaýipsiz qoǵam quramyz», – dedi Bahtiiar Ónerbaev Áltaiuly.
