"Qoǵam ózi jaýap berdi ǵoi, kórdińizder ǵoi, qyzý talqylandy. Oǵan ne qosaiyn? Eń ókinishtisi, málimdeme jasaǵan árbir azamatqa jaýap bere bersek ózimizdi umytyp qalamyz. Ózimizdiń qansha ishki máselemiz bar?! Soǵan kóńil bóleiik. Anaý aitty, mynaý aitty dep kóńil bóle bersek, ýaqytymyz jetpeidi. Ekinshi ókinishti másele - kórshi el, ózimizdiń dostarymyz bizdiń el týraly beimálim eken. Sebebi biz týraly aqparat olarda durys emes. Bizdiń elge kelip kórsin. Oidan shyǵaryp jaza berip, áleýmettik jelide qyrylysqansha ózimizdiń jumysymyzdy jalǵastyraiyq.
1,2, 3 degen tizim joq. Ol ár memlekettiń óziniń ishki sharasy. Bireý unamasa, úiińizge kirgizbeisiz ǵoi. Sol sekildi biz de kirgizbeimiz. Kerek kezde shara qabyldanady. Ony naqty "búgin, erteń kirgizbeisizder me?" dep talap etpeńizder. Memleket eshqashan ony keshirmeidi. Ol Qazaqstanǵa kele qoimas. Kelse kirmeidi", - deidi Aibek Smadiiarov.
Reseilik belgili telejýrnalist Tina Kandelaki Qazaqstanda orys tiliniń aiasy taralyp jatqanyn aityp, dabyl qaqqan edi.
Kólik ministrligi keibir temirjol beketterin (Kosshokýdy - Qosshoqyǵa, Sai-Ýtesti - Saióteske; Ózendi - Jańaózenge, Ýraldy - Oralǵa) qaita ataý týraly Úkimet qaýlysynyń jobasyn jariialaǵan bolatyn.
Tina Kandelaki Telegram-daǵy jeke paraqshasynda Qazaqstan osylaisha orys tilin memlekettik deńgeide yǵystyryp jatyr dep pikir jazdy.
"Tarihtaǵy óz ornyn qoldaý syltaýymen óte alysqa barýǵa bolatyny túsinikti. Ásirese, osyndai kúmándi sheshimderdi qabyldaý tarihty jasyrý yńǵaily", - dedi ol.
Reseilik telejúrgizýshiniń bul pikiri áleýmettik jelide qyzý talqylandy.
Sýret: Taýras Demidov / Forbes
