Alqa otyrysynda Alik Shpekbaev jemqorlyqpen kúresýdiń eń tiimdi joly tsifrlandyrý isin damytyp, ómirimizde keń qoldanysqa engizip, jeń ushynan jalǵasqan áreketterge tyiym salýǵa bolatynyn aitty. Basqosýda agenttik tóraǵasy «Tsifrlyq Qazaqstan» baǵdarlamasyn iske asyrýǵa qatysty pikir bildirdi.
– Pandemiia barlyq memleketterdi qalyptasqan biznes-úderisterdi qaita pishimdeý arqyly naqty máselelerdi sheshýge ǵana emes, ózgeristerdi tiimdi basqarýǵa shyndap oilanýǵa májbúr etti. Qazirgi tańda memlekettik basqarýdy jedeldetip tsifrlandyrý isi ózekti bolyp tur.
Koronavirýspen kúresýdiń úzdik tájiribelerin taldaý Ońtústik Koreia men Singapýr siiaqty damyǵan jáne naqty jumys isteitin memlekettik elektrondyq servisteri bar elder pandemiiany tez arada toqtata alatyndyǵyn kórsetti, – dep atap ótti Sybailas jemqorlyqqa qarsy is-qimyl agenttiginiń tóraǵasy.
Onyń aitýynsha, biýdjet qarajatyn jymqyrýǵa jol bermei, «Tsifrlyq Qazaqstan» memlekettik baǵdarlamasyn iske asyrýǵa barynsha den qoiý qajet. «Osy turǵyda qazirgi ýaqytta Tsifrlyq damý men Bilim jáne ǵylym ministrlikteriniń joǵary laýazymdy tulǵalaryna qatysty tsifrlandyrý boiynsha 2 qylmystyq isti tergep jatqanymyzdy málimdegim keledi» dep atap ótti Alik Shpekbaev.
